Hmoob Teej Tug Forum


Thaj chaw rau peb tuaj mloog DABNEEG, NKAUJ/MUSIC, THAM LUS NUG MOO, KAWM thiab SIB QHIA HMOOB TXUJ CI laug sijhawm hauv cab sab
 
HomeSearchRegisterLog in
July 2014
SunMonTueWedThuFriSat
  12345
6789101112
13141516171819
20212223242526
2728293031  
CalendarCalendar
Latest topics
» Xov Tooj Cua Hmoob Thoob Qab Ntuj
Sun Jul 20, 2014 4:20 pm by DejNtshiab

» Saib Duab Ua Si Laug Sijhawm
Tue Jul 15, 2014 9:03 pm by NthwvCua

» 2 Niam Txiv Noog
Tue Jul 15, 2014 8:53 pm by DejNtshiab

» TSAWGTIAMLOSYUAVHLUB
Tue Jul 15, 2014 8:41 pm by DejNtshiab

» Which One Is Yours??
Tue Jul 15, 2014 8:36 pm by DejNtshiab

» Tu siab tag npaum no.
Tue Jul 15, 2014 8:32 pm by DejNtshiab

» DejNtshiab Li Pictures
Sun Jul 06, 2014 10:08 pm by DejNtshiab

» Hmoob Music & Lyrics...Cov Kuv Nyiam
Sun Jun 15, 2014 11:46 am by DejNtshiab

» Nyob Zoo Tsoom Phooj Ywg Hmov Tshua Sawv Daws.
Thu Jun 12, 2014 6:56 pm by DejNtshiab

» Mloog Tsom Xyooj Cov Nkauj Hmoob
Sat Jun 07, 2014 8:10 pm by NthwvCua

Important Topics & Links
Who is online?
In total there are 4 users online :: 0 Registered, 0 Hidden and 4 Guests

None

Most users ever online was 70 on Wed Sep 25, 2013 1:07 pm
Hmoob Li Pajntaub
Share | 
 

 Nyeem Dab Neeg

View previous topic View next topic Go down 
Go to page : 1, 2  Next
AuthorMessage
DejNtshiab



Posts: 3132
Join date: 2011-02-16
Location: HmoobTeejTug

PostSubject: Nyeem Dab Neeg   Sun Mar 20, 2011 9:33 pm

First topic message reminder :


Dab Neeg Hmoob Colletions
Cov dab neeg no yog kuv hnov hauv xov tooj cua thiab muab hauv phau ntawv Hmong Folk Tales book los
Thiab mus pom tom Hmoob tej website hauv internet
Kuv nyiam ces nqa los cia no tej thaum yus tau nyeem los yog khaw cia tseg qhia rau menyuam xwb.  
Yog zaj twg kuv sau tau tsis yog thiab tsis ntxws no zam txim pub kuv nawb.
Tej zaj dab neeg yeej tsis muaj duab nyob rau hauv zaj dab neeg,  kuv lam muab duab tom tej los kom phim zaj dab neeg thiab ua kom zoo nkauj xwb.  


chickenZaj dab neeg no lub npe npe hu li: HMOOB THIAB VUAB KIB


Puag thaum ub ov!  Txij li lub sijhawm uas ntiaj teb no tau raug dej nyab ua neeg thiab tsiaj txhua hom tuag tas lawd.  Ntuj tau tsim kom muaj ib tus neeg, Hmoob thiab txhua hom tsiaj nyob rau lub ntiaj teb no dua.  Tus neeg ntawd tau ntxais txoj hauj lwm los saib xyuas txhua hom tsiaj thiab Hmoob.  Peb yuav hu hais tias nws yog tsiaj thiab Hmoob tus  nom los kuj tau.  Hmoob thiab cov tsiaj thiaj muab nws hu ua lawv tus Huab Tais.  Tus Huab Tais no yog tus muaj cai saib xyuas kev nyob noj ib pus tsav yam rau tag txhua hom tsiaj thiab Hmoob.  Huab Tais qhia sawv daws kom paub nrhiav noj nrhiav haus, paub mus nrhiav noj thiab paub rov los tsev.  Nws thoov ib co kev cai lij choj rau sawv daws coj.  Lub sijhawm no cov tsiaj thiab cov Hmoob muaj cai sib npaug zos.   Hmoob noj tsis tau tshiaj, tshiaj ua phem tsis tau rau Hmoob.  Sawv daws ua lub neej nyob uake.  

Nyob tau ntau niaj ntev xyoo, Hmoob kuj mus luaj teb ntov ntoo, cog qoob cog loo, ua noj ua huas mus raws li txoj kev khwv.  Hmoob khwv puag niaj puag xyoo nyob rawv tom teb ntau xwb.  
Hais txog tej me nas noog, nraj yij, kauv, muas lwj, npua teb, dais, thiab txhua hom tsiaj kuj tau mus nrhiav noj nrhiav haus ua pab ua pawg raws li nyias siab nyiam.

Muaj tej txhia kuj mus ua si, sib qawg sib nwj rau txhua qhov chaw tsis mus nrhiav noj nrhiav haus, thaum twg tshaib plab tuaj lawm mam li mus txeeb noj nyiag haus.  Cov loj tom cov me noj yam tsis raws kev cai.  Thaum lawv tus Huab Tais hu nrhiav, lawv kuj tsis kam rov mus tsev.  Yog li, lawv tus Huab Tais thiaj tau txiav txim siab ua txoj hais tias nws mob mas kom sawv daws rov mus xyuas nws.  Txawm hais lino los kuj tsis muaj tus twg kub siab rov mus xyuas Huab Tais li thiab.  Huab Tais thiaj tso nws cov tub txib mus hu kom sawv daws paub tias nws tuag lawm no.   Huab Tais ua txuj tias tuag lawm no kom sawv daws thiaj li kub siab mus xyuas nws.  Zaum no,  Huab Tais yuav sim cov tsiaj thiab Hmoob siab tas mam yuav muab txim rau tus muaj kev txhaum, mam tso sawv daws mus ywj li siab nyiam.

Zaum no cov tsiaj tau hnov tias lawv tus Huab Tais tau tuag lawm no ma tag nrho cov me tsiaj tau zoo siab heev thiab rov mus tsev sai kawg li.  Thaum cov tshiaj mus txog tsev, lawv pom lawv tus Huab Tais tuag lawm tiag.  Lawv tau mus quaj thiab nyiav hais tias "Hnub no, peb tus Huab Tais tuag lawm mas peb zoo siab heev, vim yuav tsis muaj tus niaj hnub hu thiab hais peb lawm.  Peb yuav mus sib qawg sib nwj rau txhua txoj ke los tau.  Peb yuav xav ua yam li peb nyiam los yuav tsis muaj tus cem tus hais peb ntxiv lawm."  Tas li ntawd, cov tsiaj kuj zoo siab heev, tus yuav dhia hom khab li cas los muaj.  

Lwm hom tsiaj tau mus txog tsev ua ntej.  Vaub kib los txog tom qab zog.  Vim yog thaum vaub kib los txog ib tog kev, txawm muaj ib tug ntoo loj vau tav kev lawm.   Vaub kib hla tsis dhau li.  Nws tau nyob ntawd ib nyuag me nyuam tag kis.  Tab tom ho muaj ob niam txiv Hmoob los ntsib vaub kib.  Vaub kib thiaj li noog ob niam txiv Hmoob hais tias "Neb yuav mus dab tsi?" Ob niam txiv  Hmoob teb hais tias "Wb hnov hais tias Huab Tais tuag lawm no es wb yuav mus xyuas Huab Tais."  Vuab kib hais rau ob niam txiv tias  "kuv kuj yuav mus xyuas Huab Tais thiab, tab sis tus ntoo ntawd vau los tsuam kev lawm.  Kuv hla tsis tau mus kuv thiaj tseem  nyob nov xwb.  Kuv thov neb pab nqa kuv hla yav cav ntoo no tso kuv ho pab qhia  ib zag tswv yim rau neb thiab puas tau?' Ob niam txiv Hmoob teb hais tias "kev sib pab kuj yog ib txoj kev zoo.  Ib leeg yeej yuav thov ib leeg ib zaug xwb, wb mam pab koj."  Tus txiv neej Hmoob thiaj mus tsawv nkaus tus vaub kib nqa hlo hla tus ntoo rau sab kev tom  hauv ntej.  Tus vuab kib zoo siab tias nws yuav tau mus pom Huab Tais.  Nws thiaj ua tsaug rau ob niam txiv Hmoob thiab qhia nkawd hais tias  "Huab Tais tsis tuag."  
Huab Tais sim sawv daws cov siab saib leej twg tseem xav kom muaj Huab Tais, leej twg tsis xav kom muaj li no xwb.  Yog li, peb mus txog peb yuav tsum quaj hais tias "Huab Tais, koj tso peb tseg ua ntsuag, peb yuav tsis paub nyob tsis paub noj.


Peb xav kom muaj koj nrog peb nyob, koj qhia peb ua noj ua haus peb lub neej thiaj yuav zoo.  Tsis muaj koj lawm ces peb yuav tau kev txyom nyem.  Peb tsis xav kom koj ncaim peb kiag," lino thiaj yog lus zoo nawb.  tas li ntawd, vaub kib thiab ob niam txiv Hmoob thiaj mus txog tom qab.  Lawv peb leeg tau  mus saib thiab quaj nyiav Huab Tais tas raws li lawv sib tham cia, ua cas ib pliag xwb Huab Tais txawm nti nti thiab rua qhov muag tuaj xam ntsia sawv daws.  Huab Tais  taij koj tsa nws sawv.  Thaum Huab Tais sawv tau los zaum lawd, nws thiaj hais lus rau cov tsiaj tias, "Kuv cov me tsiaj, kuv tau knov nej cov lus ua nej ntshaw ntshaw tas lawm mog.  Txij ziag no mus lawv yav tom ntej, kuv yuv tso kev kom nej tau ua raws li nej siab nyiam nawb mog.   tab sis, txij hnub no lawm yav tom ntej, cov tsiaj uas nws lub nrob qaum tig twb ntuj ma yuav raug tso cai rau Hmoob noj nws cov nqaij.  Kuv hais rau nej tias Hmoob noj tau txhua  hom tsiaj txij hnub no mus."

Thaum Huab Tais hais nws cov lus xaus lawd, cov tsiaj nyob tib co mluas mlob cia xwb.  Tab sis vaub kib tsis zoo siab, nws thiaj noog hais tias "Huab Tais, koj hais li ntawd ais ua li nyuag yaus ned?" Hmoob kuj noj tau koj tib yam nkaus li thiab, Huab Tais teb.  Vaub Kib kuj muaj kev ntxhov siab kawg li, nws thiaj ua ib niag pa nrov huav tawm tuaj.  Vaub kib tau nog txiv tias "Kuv tus Huab Tais, Kuv twb tsis muaj lub siab phem rau koj; tsis tsim nyog koj yuav tso lus kom kuv raug noj ib yam nkaus li lawm hom tsiaj thiab paub!" Huab Tais xav ib pliag, Huab Tais thiaj teb hais tias "Tsis ntshai, cia kuv mam ua ib lub tsev khov tshaj plaws rau koj  nkaum thiab thaiv koj." Txij li ntawd los, vaub kib thiaj muaj lub khauj khaum cia thaiv thiab nkaum.

Txawm hais tias Huab Tais tso lus kom Hmoob noj vaub kib tau los Hmoob yeej yuav tsis noj, vim hais tias Hmoob thiab vaub kib tau cog kev phoojywg thiab tau sib pab los lawm.  Txij li ntawd los, Yog Hmoob mus ntsib vaub kib thaum twg ma vaub kib tseem ua ib niag pa nrov huav ib yam li thaum ub thiab.

Zaj dab neeg tag li no....nws txhais hais tias:

Yog leej twg nyob ua neeg tsis muaj tsw, tsis hwm txoj cai, thiab tsis mloog niam mloog txiv hais ces tus ntawd yuav tsis tau txais kev thaj yeeb.



Last edited by DejNtshiab on Mon Apr 14, 2014 7:35 pm; edited 13 times in total
Back to top Go down

AuthorMessage
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Sun May 01, 2011 10:29 pm

Zaj dab neeg no muaj lub npe tias: Neej Twj Cuab
Thaum ub muaj ib niam txiv nkawv mus nyob deb deb neej tsa thiab kwv tij. Nkawv mus nyob nyob ces muaj ib hnub tus txiv txawj mob mob laub. Tus txiv mob mob ntev ntev ces tsis txiv tsis zoo li. Kwv tij los nyob deb. Neej tsa los nyob deb ces tsis pom qab yuav mus nrhiav neeg nrhiav tshuaj los kho li laub. Tus txiv mob mob tus txiv yuav tuag ces tus txiv hais rau tus niam tias: Koj niam, yog nyob nyob kuv tuag lawm no nej txhob coj kuv mus faus es cia kuv dai ntawv hauv plag ua neej cov niam tub luag nawb. Es nej thiaj tau luag os. Ces tus niam teb tias ua li ma koj txiv. Ob peb hnub ntxiv ces tus txiv txawm tuag lawm laub.

Ces tus niam ua tau ib tug nees muab tus txiv pw rau saum tus nees dai saum hauv plag. Tus niam tsis muab hluas pav li thiab. Nruab hnub tus niam thiab cov menyuam mus ua teb lawm. Hmo ntuj ces tus niam los nta teeb zaum ua paj ntau zov tus txiv ntawm hauv plag.
Tus txiv lwj lwj ces cov kua lwj nrog nrog laub. Cas tus niam ua ua pajntaub cas cov niag kua lwj txawm nrog tauj tauj ces tus niam ua zoo mloog na cas cov kua lwj ntawv lub suab txawj nrog tias: Ntau ntau kuv yuav tau noj koj laub...ntij ntaub ntij ntaub kuv xav noj koj lub taub haub ntaub. Ces! tus niam txawm ntshai ntshai laub hmo ntawv.
Tagkis tus niam rov mus ua teb lawm. Tsau ntuj tus niam thiab cov mus rov los ces....tus niam ntshai ntshai ces tus niam txawj nta kiag teeb rau ntawv hauv plag. Tus niam muab kiag tus menyuam hlob tso kiag saum nthab. Muab kiag tus me nyuam nrab tso ntawv ntug cub. Tus niam coj tus yau nrog tus niam mus pw. Tus niam txias tus me nyaum yau tsaug zog lawm. Ces!....Tus niam cia li qhib kiag phab ntsa ces tus niam cia li khiav lawm laub.

Ib pliag ib tag hmo kiag ces tus txiv txawj sawv los laub. Tus txiv sawv los txog ntawv ntug cub pom tus me nyuam nrab ces tus txiv muab kiag tus menyuam nrab ntawv tom noj kiag lawm laub. Nws noj tag tus menyuam ntawv ces nws mus kiag tom txaj thiab. Mus txog tom txaj ces pom us me nyuam ab yau nws muab noj kiag thiab laub. Nws noj tus menyuam tag cas nws saib na pawv tus niam lawm. Nws xam ncig lees qhov txhia chaw ces tsis pom tus niam li cas nws saib na cas sab phab ntsha to ib lub qhov. Ces nws paub tias tus niam khiav lawm laub. Nws thiaj tawm kiag lawv tus niam qab laub......

Nws caum caum tus niam ib hmo yuav luag kaj ntuj ces nws caum yuav tau tus niam tiag laub. Ces tus niam ntshai ntshai ces tus niam mus ntsib ib tug lauv yij ces tus niam thiaj thov tias tus lauv yij ntawv tias me lauv yij. Kuv tus txiv ua tsov lawm es nws tuaj caum kuv tom noj, Nws caum yuav tau kuv tiag thov koj pab kuv. Tus lauv yij tias ...yog koj xav kom kuv pab koj no koj puas muaj ntais. Tus niam thiaj cev kiag lub ntais rau tus lauv yij ces lauv yij muab kiag lub ntais txhuam kiag nkag ceev ceev rau hauv tej hauv paus nqeeb thiab hauv paus tauj ces cov nqeeb thiab tauj cig liab vog ua nplaim siab siab laub. Ces tus txiv tuaj tsis tau ces tus txiv tseem tos tos kom cov nqeeb thiab tauj ntawv kub tag ces nws mam tuaj.
Ces! tus niam khiav khiav tuaj mus txog ntua tom nws niam thiab txiv tsev ces tus niam thiaj tias kuv niam thiab kuv txiv thiav cov dab laug laub. Nej tus yawm yij wb mus nyob deb deb nej thiab cov kwv tij es nws tuag lawm nws tias kom kuv txhob coj nws mus faus es cia nws ua peb cov niam tug luag no. Tsam no nws ua tsov lawm es nws yuav muab kuv tom noj es thov nej pab kuv. Ces cov nus tias oh... yog li khiav nkaum tsuag tsuag.

Ib pliag xwb tus txiv tuaj txog ntuag laub. Tus txiv txias ua tus vauv neeg lawm ces tus txiv thiaj tias. Cov dab laug kuv pojniam tuaj saib nej lawm es kuv rov tuaj tos nws mus tsev os. Ces cov dab laug thiaj teb tias: Oh yawm yij koj tuaj lov? Hnub no peb caiv lawm na. Koj nyob nraum koj tos tagkis es koj mam los tau tsev os. Ces tus txiv thiaj nyob nraum zoov tos tos ces tag kis ces cov dag laug thiaj nqa rab phoom mus cev rau tus yawm yij ces lawv hais tias yawm yij noj kab tsib tas tso koj mam mus hauv tsev os. Ces tus txiv thiaj muab kiag rab ntsi pho tsij kiag rau hauv nws lub qhov ncauj ces cov dab laug tib nyem ces rab phom nrov poog ces tus txiv tuag kiag. Thaum txiv tuag kiag ces tus txiv yog ib tug txiv tsov loj li loj xwb laub.

Lawv tua tau tus txiv tuag lawm ces tus niam thiaj coj cov dab laug ua nws luag rov mus cov menyuam. Lawv mus txog tom tsev ces niag txiv twb muab tus me ab thiab tus nrab noj tag lawm. Lawv thiaj nce txog saum nthab na tshuav tus hlob xwb. Ces lawv coj tus menyuam thiab tus niam rov los nrog lawv nyob ces tag........Peb ua neeg nyob ces tsis txhob mus nyob twj cuab tsam zoo li zaj dag neeg no...hehhee





Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Sun May 01, 2011 11:06 pm

Nkauj Zaj Los Yog Nkauj Dab?
Zaj no ma muaj lub ntsiab tias Ob tug hluas Nkauj Zaj los yog hluas Nkauj Dab yuav los cob peb tus Yawg no mus yuav. Peb Yawg mus plob hav zoov es pw tsaug zog lawm ces ob tug hluas nkauj cia los coj nws mus lawm xwb.

Xyoo 1961, Yawg tab tom nto nto hluas. Nws yog ib tug neeg nyiam nyiam tua tsiaj hav zoov thiab. Nws los kuj yob ib tug nom nyab laj thiab. Thaum ntawv tab tom ua tsov ua rog ces ib co Nplog lawv khiav mus ua Nyab Laj lawm. Ib co Nplog khiav mus ua Xos Tus lawm. Ces tim Nplob cov teb muaj ib co qos ntoo ntug. Lawv mus saib cas pom hneev taw npua teb los tshom tshom Nplog cov qos noj. Lawv twb mus zov ob peb zaug lawm tab sis lawv pw tim Nplog lub tsev teb es yog lawv hnov npua teb los ces lawv mam li mus tua xwb. Ces thaum lawv hnov tus npua teb los lawv mam mus ces tus npua teb ntawv twb hnov ces twb khiav lawm. Lawv yeej tua tsis tau li.

Ces Yawg thiaj xav tias yog phej zov li no xwb ma yeej tua tsis tau tus npua teb no li. Cia kuv mus ua ib lub txhaj rau saum tsob ntoo es pw sauv zov niag npua teb los kuv thiaj tua tau xwb laub. Ces Yawg txawj ua li nws xav. Nws mus ua ua tau lub txaj rau saum ib nta ntoo rau tsob ntoo ze ze ntawv qhov tus npua teb los noj noj cov qos ntawv.

Hmo ntawv tsis tau tsau ntuj ces Yawg twb nce mus zaum sauv zov ua ntej lawm. Yawg mus nyob nyob tsis pom los li laub. Nyob nyob ib tag hmo los tsis pom los li thiab. Ces Yawg tsaug zog heev ces Yawg txawm hais tias ab niag npua teb ntawv tsis los ces tsaug heev li. kuv pw ib pliag nws los kuv thiaj hnov.

Yawg nim qhua pw kiag xwb zoo li Yawg cia li ua yog toog pom kiag ob tug hluas nkauj zoo zoo nkauj los kiag ntawm yawg. Ob tug hluas nkauj txawj tias: Oh! koj tuaj dab tsi ntawm no? Yawg teb nkawv tias: Kuv tuaj tuas ib tug npua teb ua phej los noj noj Nplog cov qos hauv na. Ob tug hluas nkauj thiaj tias: Oh! Tus Tijlaug koj puas mus nram peb zos. Koj muaj koob muaj npe nrov wb xav coj koj mus saib peb lub zos na. Yawg teb tias: Oh! mus los kuj mus ma vim neb zoo nkauj ua luaj li. Yeej xav mus saib kom pom neb tsev thiab nej lub zos thiab tiag. Ob tug hluas nkauj thiaj tias: Pais! Yog li. Yawg teb tias, mus no es mus qhov twg mus ma.

Ob tus hluas nkauj teb tias, mus nrav xwb ma. Mus txog nrav ces yeej pom txoj kev lawm ma. Thaj chaw ntawv Yawg yeej nyob nyob ces Yawg yee paub zoo lawm. Ntawm qab teb ntawv ma muaj ib lub qhov ntuj. Cas ob tug hluas nkauj tseem kom mus nram lub qhov ntuj mus thiab ne. Nrav twb tsis muaj kev mus sav. Ces Yawg xav xav ces thiaj tias: Ab! Nkawv yuav kom kuv mus no sim mus seb nkawv ho yuav mus qhov twg mus.

Thaum lawv txog nrav lub qhov ntuj cas nim qhua mus li ob peb ruam ntawm qab qhov ntuj xwb cas pom ib txoj kev ci du lug ho tshav ntuj ci nplas mus lawm xwb. Yawg saib ob tug hluas nkauj ntawv ma cas zoo nkauj tiag tiag. Ces lawv txawm mus mus ib pliag ces cas pom ib lub zos ma loj li loj xwb. Ob tug hluas nkauj tias, peb lub tsev nyob puag tim plawv tiv koj saib peb lub zos no loj thiab peb nyob coob kawg hauv no hov. Yawg thiaj tsa muag saib na, Oh! Lawv lub zos ma loj tiag tiag laub tab sis tsis pom ib tug neeg li. Lawv mus mus ib pliag ces ob tug hluas nkauj tias txog peb lub tsev lawm. Peb lub tsev yog lub no. Yawg teb tias, nej lub tsev thiab nej lub zos zoo kawg. Tus niamhluas thiaj tias, Tijlaug kuv tus niamlaus no tsis muaj txiv. Hnov tias koj muaj koob nto npe nws xav yuav koj ua nws tus txiv no? Yawg teb tias, Oh! Nws xav yuav kuv ua nws tus txiv tab sis kuv twb tsis tau paub neb ne. Tus niam hluas teb tias, koj txawm tsis tau paub los cia yuav tso mam sib paub tom qab xwb. Yawg teb tias, Oh! Ntse kuv tsis tau yuav pob rau qhov kuv tsis tau tau paub neb na. Tus niam laus cia li yuav yuav Yawg xwb laub. Yawg teb tias, zaum no kuv tsis tau tau yuav. Yog yuav yuav no cia lom zaum kom kuv paub neb zoo tso.

Tus niamhluas thiaj tias koj tsis tau yuav koj yuav kom paub wb zoo koj mam yuav los ua li ntawv. Qhov kuv tus niamlaus yuav yuav koj ntawv ma peb twb mus ntes tau ob tug npua coj los khi rau pem hauv zos pev lawm. Niamlaus thiaj yuav yuav koj es yuav mus muab peb ob tug npua pev los ua neb rooj tshoob no na.

Yawg thiaj tias, coj kuv mus saib neb ob tug npua seb zoo li cas neb nim hais npaum ntawv. Nkawv thiaj tias, peb ob tug npua ntawv nyob pem hauv zos. Koj xav mus saib ces peb yuav tau hla tus dej no mus ma peb thiaj mus txog pev. Ces ob tug hluas nkauj thiaj coj Yawg kwm hla kiag ib tug me nyuam dej ntawv mus txog pem hauv zos. Ces nkawv thiaj tias, nov ne. No yog peb ob tug las npua yuav coj los ua neb rooj tshoob. Yawg thiaj saib kiag na, Oh! Cas yog cov neeg pem Yawg lawv lub zos ob tug phaw nyuj ua tau poob lub qhov ntuj es lawv rub rub tsis tau. Ho ib tug lawv rub rub tsis tau ces lawv cia li muab raim hlais tau ib nrab lawm xwb. Yawg thiaj tias, Oh! ob tug muam neb nim hais ua luaj es ob tug no yog neb ob tug npua lov? Nkawv teb tias yog ma. Ob tug npua no peb nim qhua ntes tau los rau nov es kuv tus niam laus thiaj yuav yuav koj es yuav muab ua neb rooj tshoob xwb. Ces koj cia li yuav kuv tus niam laus xwb ma vim peb twb npaj tau npua lawm na.

Oh! Yawg cia li ntshai lawm laub. Yawg paub lawm tias nkawv tsis yog neeg lawm nkawv yog dab lawm xwb. Ces Yawg thiaj teb tias, Oh! Kuv muaj pojniam lawm na. Yog kuv txhob muaj pojniam ma kuv yeej kam yuav xwb. Tus niamhluas thiaj tias, Tijlaug koj muaj pojniam lawm lov? Yawg teb tias: Aw! Kuv muaj pojniam lawm. Tus niamhluas thiaj tias: Yog tias koj muaj pojniam lawm ces tsis yuav los tsis ua li cas ma. Txawm lwm zaus los tsis yuav li lawm. Yog tias koj tsis tau muaj pojniam ma thiaj yuav. Yawg thiaj tias kuv muaj pojniam muaj me nyuam tag lawm tiag ho. Ces Tus niamlaus thiaj nug tias koj muaj pojniam muaj me nyuam lawm tiag tiag? Yawg teb tias, kuv muaj lawm tiag ma. Ces tus niamlaus thiaj tias, yog koj twb muaj pojniam muaj menyuam lawm ces koj tsis yuav los tsis ua li cas kuv mam nrhiav dua. Los es wb yuav xa koj mus ma vim koj twb muaj pojniam lawm. Yawg thiaj tias ua li ma. Thov neb pab xa kuv rov mus tsev.

Yawg nco tias nkawv nim qhuav tias mus laub no xwb cas Yawg txawm siv tsim kiag los. Cas Yawg tsim los Yawg tsis nyob saum tso ntoo qhov Yawg tuaj pw zov tus npua teb. Cas nyob tim Nplog lub tsev teb. Yawg thiaj xuas zog thiab xam ncig lees ib ncig cas tsis pom Yawg rab phom thiab daim pam. Pom lub teeb tsom nyob hauv Yawg lub hnab tsho xwb. Oh! Yawg ntshai thiab laub. Yawg thiaj xav tias: Ntse yog dab coj kuv mus tiag laub. Yawg thiaj tias cia kuv mus saib tim tsob ntoo seb puas pom kuv rab phom tso. Yawg thiaj mus txog tim tsob ntoo, Yawg nce kiag mus txog sauv na cas Yawg rab phom thiab daim pam nyob sauv. Yawg ntshia heev . Yawg nco ma yawg tsaug zog thaum 1:00 ib tag hmo ntawv thaum Yawg los nrhiav tau yawg rab phom ntawv yog 3:00 am lawm. Yawg thiaj xav tias: Oh! Ntshai dhau lawm ces ua siab maub mus tsev laub. Zaj dab neeg neej tas li no.

Thaum Yawg los txog tsev ces yawg thiaj tham rau peb dawv daws mloog. Ob tug hluas nkauj ntawv yeej tsis paub qhov tseeb tias nkawv yog Nkauj Zaj los Nkauj Dab li. Nyob Yawg nrog nkawv mus nram lub qhov ntuj mus lawm ces cov laus lawv tias yog Nkauj Zaj xwb.

Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Mon May 02, 2011 8:13 am


HMOOV TSIS TAU TXOG


Ntuj thaum ub luag tsuas cav hais tias teev
saub hausam thiaj tau koob tau hmoov thiab thiaj li muaj nyiaj.

Muaj ib lub zos neeg ccoob. Tej tibneeg nyias
taus nyias teev saub hausam. Nyias xia kev kom nyias muaj nyiaj thiab zoo dua.

Muaj ob niamtxiv ua neej txomnyem xav nrog Luag muaj nyiaj. Txawm nkawv txomnyem los ua tiag ntxeem teev kom tau thiab. Luag tej teev tsis tau ntev niaj ntau xyoo ua cas luag twb muaj nyiaj, muaj txiaj ntau thiab ua tau vaj tau tsev ja-iab lawm, tabsis ob niamtxiv ntawd tseem pluag li qub.

Nyob muaj ib hnub, tus saub hausam nyob lub zos nram hav tuaj pom ob niamtxiv ua cas yuav txomnyem ua luaj. Tus saub ntawd thiaj hais rau ob niamtxiv tus saub hais tias, "Ua licas koj tsis muab koob hmoov rau ob niamtxiv no es ua kom nkawd nrog luag muaj thiab?"

Ob niamtxiv tus saub thiaj teb hais tias, "Nkawv hmoov los tsis tau txog. Txawm muab rau los nkawv tsis tau yuav." Tus saub tuaj ntawd hos rov teb hais tias, "Twb tau peb xyoos lawm. Muab rau ces tau. Tsis muab ces tsis tau." Ob niamtxiv tus saub teb hais tais, "Yog li no cia kuv muab sim saib zoo li cas." Saub muab tau ib co txhais kub ua tej daim muaj ib niag tais phiab coj mus nchuav rau ntawm ob niamtxiv qhov chaw dadej thiab ntxhua khaubncaws.

Ob niamtxiv tseem tsis tau tuaj pom. Tabtom los ib kob nag ua dej huam daj nruv kuavlug los mus. Muaj ib tug jes lloj twb muab cov kub nqos tas thiab khiav lawm. Ob niamtxiv twb tsis pom, tsis paub li tias nkawv tus aub tso ib co kub rau ntawm nkawv txoj kev dej. Ob niamtxiv tus saub nnroo hais tias, "Ned, kuv yeej hais tias nkawv hmoov tsis tau txog no. Muab rau saib nkawv tsis tau tiag los pov!" Peb xyoos tom qab, xam tag tau rau xyoo lawm. Ob niamtxiv tseem pluag li qub. Muaj ib hnub tus lub zos nram hav saub qub rov tuaj pom ob niamtxiv dua ua li cas tseem pluag li qub. Tus saub ntawd rov hais rau ob niamtxiv tus saub li qub thiab. Ob niamtxiv tus saub lias teb li qub thiab. Tus saub tuaj ntawd hais rau ob niamtxiv tus saub ntxiv tias, "Ntev ua luaj no lawm, yog koj muab rau ces yeej tau xwb."


Ob niamtxiv tus saub teb hais tias, "Yog li no koj saib cia kuv muab rau sim saib zoo li cas."

Nkawv tus saub muab tau ob lub qe kub loj luaj li qe qaib coj mus tso rau ntawm ntug pas dej haus ua kom nkawv tuaj ce dej ces nkawv pom. Ob niamtxiv tseem tsis tau mus pom ces twb ho muaj ob niamtxiv uab-lag los haus dej. Ob niamtxiv uab-lag pom ces muab nqa mus lawm. Ob niamtxiv neeg mus txog tsis pom dab tsi. Nkawv twb tsis paub thiab. Nkawv tus saub yws' hais tias, "Koj saib ma. Kuv hais tias yog nkawv hmoov tsis tau txog mas txawm muab rau los nkawv yeej tsis tau no, yog ttiag hos." Rov nyob los tau peb xyoos, xam los tau cuaj xyoos nkaus. Tus saub qub lias tuaj pom ob niamtxiv txom nyem li qub thiab. Tus saub ntawd rov hais rau nkawv tus saub dua. Nkawv tus saub hais tias nws yuav tau mam sim xyuas zaum ntawd saib zoo li cas. Nkawv tus saub muab tau plaub lub txiaj xus liab nqa mus pov tseg rau hauv dej ntawm ob niamtxiv chaw ntxhua khaub ncaws.

Mejis yuav tsaus ntuj, tsis muaj yam dabtsi ua zaub mov xa mus rau saub noj hmo. Tus pojniam txawm nqa cib-laug mus yawm jes saib puas tau jes coj los ua zaub xa rau saub noj. Nram hav dej, tus pojniam muab lub cib-laug cug tti puag hauv boo av, xuas tes hhus tej qab tog khaub, ua kom jes khiav los mag. Tsa lub cib-laug saib tsis mag jes, tab sis pom plaub lub txiajxus liab nyob hauv lub cib-laug. Tus pojniam txawm xav zoj tias twb yuav tsaus ntuj. Yawm jes los tsis tau jes. Cia nqa plaub lub xus liab no coj mus yuav jes tom khw yuav sai dua. Tus pojniam txawm rov los tsev. Nws muab plaub lub xus liab qhia rau tus txiv hais tias, "Kuv mus yawm jes no tsis mag jes. Kuv yawm tau plaub lub xus liab no rau hauv cib laug. Tsaus ntuj lawm ces koj nqa mus tom khw saib puas muaj tej jes me. Yog muaj no yuav ib qho nqa los ua zaub xa rau luag noj." Tus txiv nqa plaub lub xus liab kkhiav rau tom khw lawm. Thaum mus txog, tej neeg muag jes tas. Yuav tsaus ntuj thiab tej neeg nyob deb twb sau khoom mus tsev zomzaws. Nws ncig xyuas tsawgtsuag mus txog tom tog khw. Muaj ib tug jes loj luaj li nqos cos. Tus jes twb cuab tau ib hmos lawm thiab twb yuav lwj. Luag muab muag pheejyig. Nws lam yuav tus jes nqa los. Thaum los txog tsev, tsis pom qab yuav muab ua li cas thiaj zoo noj. Ob niamtxiv hais haum tias cia muab hau rau blooj qaub thiaj zoo noj. Tus txiv mus de blooj qaub tso kom tus niam muab jes tws blai thiab phais. Tus txiv txawm sawv kev mus de blooj lawm.


Tus niam muab riam tws blai tas ces nws txawm muab riam suam lub plab phua kiag. Uacas hauv jes lub cev muaj tib co txhais kub. Nws muab nchuav nrov ziag puv nkaus lub phiab daus zaub. Tib co daj nruv mas tus pojniam ceeb loj kawg thiab ho zoo siab thiab. Nws cia li muab jes tso tseg. Nws nqa lub tais thiab cov kub mus sawv ntawm qhovrooj jia saib tus txiv los lawm los tsis tau. Tus txiv tab tom nce mus de blooj qaub ua ceg ntoo co joogqees. Tus txiv jia pom ib lub zes noog nyob saum tus ntoo nws tabtom nce. Nws lub siab xav tias "sim nce mus xyuas lub zes noog saib puas muaj menyuam los muaj qe no yuav muab coj los ua ib qho zaub nqa mus rau saub noj thiab."

Yawg nnce mus txog. Cev tes mus rub lub zes noog los saib. Ua cas tsis yog qe noog, hos pom ob lub qe kub luaj nkaus qe qaib nyob hauv lub zes noog. Yawg khaws nkaus ces nqis ua poob pes dhuam los lawm, tsis nco de blooj qaub los rau jes. Yawg ke khiav ke saib ntawm tes. Tus pojniam pom tus txiv ua li ntawd tsuas ho jhai tsam muaj pos chob tes los yog kab tom. Tus txiv los txog, tus niam mas piav qhia rau tus txiv ua muag hle hlo thiab muab cov kub los rau tus txiv saib. Tus txiv los kuj hais qhia tus niam tias nws muab tau cov qe kub saum lub zes noog thiab. Ob niamtxiv zoo siab thiab ho xav tias ua licas yuav tau tej yam khoom txawv ualuaj. Tos nco xwb twb tsaus ntuj ntawm qhovmuag lawm. Ob niamtxiv tsis tau ua hmo rau saub noj li. Tagkis ob niamtxiv nqa mus rau saub xyuas thiab piav qhia rau saub. Tabsis saub yeej paub uantej lawm. Twb yog saub ua tus muab los lawm ntev, tabsis nkawv hmoov tsis tau txog nkawv thiaj tsis pom thaum ntxov. Saub hais rau ob niamtxiv hais tias, "Tej no yog neb tug. Zaum no neb hmoov txog lawm, neb thiaj pom, neb thiaj tau."

Txij li hnub ntawd rov rau yav laus, ob niam txiv thiaj muaj nyiaj coj mus muas tsoos tshiab los hnav, ua tsev nyob zoo li luag tej thiab ua neej zoo txog hnub kawg. Ua neeg nyob qab ntuj, yuav zoo los tsis zoo yog los ntawm txoj hmoo. Hmoov txog lawm tsis xav tau los yuav tau. Hmoov tsis txog mas xav tau baum li cas los yeej tsis tau. Tabsis txhob pw tos txog hmoov mam khwv. Hmoov tsuas yog qhia tau hais tias ua li yuav tau ntau los tau tsawg xwb. Tus hmoov loj ces tau ntau. Tus hmoov yau ces tau tsawg. Yus pom luag tau, pom luag muaj los ho txhob chim, txhob tu siab. Luag tau los yog luag hmoov txog. Yog yus txoj hmoo muaj, txog hnub tau yeej yuav txawj tau.

By: Vajhuamsibluag


Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Sat May 07, 2011 9:08 pm

NTSAUM TUA NEEG

Thaum ub muaj ib tug yawg mus saib tsawv rau ntawd saub. Saub saib tag, saub hais tias, "Koj mas tus kev txhawjxeeb coob ntau li cas tsis muaj, tabsis kom koj ceev faj ntawm tus Ntsaum tsam Ntsaum tua koj xwb."

Yawg kuj los ua neej nyob tso siablug rauqhov yawg xav tias tus Ntsaum xwb es yuav ua cas tua tau yawg.

Muaj ib hnub yawg txawm mus hlais zaub nees. Yawg nqa ib rab liag, ev lub kawm. Thaum yawg taug taug kev mus txog tog kev, yawg pom ib pab Ntsaum ccoob nkag hlav kev. Yawg txawm zaum khoojywb xxauj cov jaum. Yawg xav txog qhov saub hais tias Ntsaum yuav tua yawg. Yawg muab rab ko liag tuav cov jaum. Teg tug, tuag kiag. Teg rau tus, tuag kiag thiab cem hais tias, "Cov nyuag ntsaum no, tej tus luaj li no xwb, yuav tua kuv tau lis cas! Wjhwv, wjhwv, tuag tsis tuag!"

Yawg pheej tua cov jaum ces tsis nco ceevfaj. Yawg tig tau tus kaus liag ntse ncaj rau yawg cajdab. Tib tuav rau tus ntsaum, rab liag tib khawb yawg cajdab to kiag ib kab ntxilus. Los ntshav heev ces yawg cia li tuag rau ntawd.

Yam twg yog saub tau hais lawm, txawm loj me, hnyav sib li cas los kom ceevfaj. Txhob saib tsis rau nqi.

By: Vajhuamsibluag





Back to top Go down
siabzoohlub



Posts: 118
Join date: 2011-03-29

PostSubject: Re: Nyeem Dab Neeg   Sun May 08, 2011 11:18 pm

Nyob zoo os leej muam DejNtshiab

Cas nws yuav txawj Dab neeg twm tau kho siab
Dab neeg yog ib yam kev ntseeg
thaum ub yeej muaj tiag nws coj los khaws cia
tau twm ua kev kaj siab kom nyob kiab
hnub yus khoom tau nyeem tej txheej txheem
lawv tau hais tseg khaws cia tom qab thiaj paub qhia
nas me Hmoob DejNtshiab me hmoob lub siab kiab e

Leej nus muab Zaj Dab neeg Tswv Xyas los cia rau hauv nws lub tsev no thiab os
Nws mam muab kho kom zoo nkauj li nws cov Dab neeg ov


TSWV XYAS MUS UA TSOV Part 1


Thaum ub muaj ib tug yawg hu ua Tswv Xyas no, nws niaj hnub mus kawm puas tsav yam yees siv lauj ! Nws kawm txawj txhua yam, nws xav ua dab ua tsov los tau tib si. Nws mus pom Mab Sua tuaj muag ntaub, muag xov ; nws cia li mus ua tsov hem luag, luag ntshai luag khiav tso ntau xov tseg ces nws khaws. Pom Mab Sua tuaj ua luam, nws saib lawv muaj nyiaj, los nws cia li ua tsov dhia hem luag, luag ntshai, luag khiav ces nws khaws luag tej nyiaj tej kub, ces nws muaj muaj nyiaj muaj kub lauj.

Nyob nyob muaj ib xyoo noj Peb Caug tag, lawv peb kwv tij txiv tub txawm sib yaum mus xyuas teb ua noj. Lawv mus plaub hnub kev deb, lawv tseem mus ncig teb ntau ntau hnub thiab lauj ! Cov phooj ywg nrog nws mus txawm hais tias, "Yawg Tsw ! Peb tuaj tau ntev hnub hwv lawm. Peb nqhis nqaij tas npaum no. Peb pom Suav cov twm nram tiaj nrad, koj mus tom ib tug los peb ua zaub naj". Yawg Tswv txawm hais tias, "Yuav mus los tau kawg! Tab sis kwv tij mas sib pab tiag tiag laiv! Cov kwv tij txawm hais tias, "Yauv mus ntshais dab tsi naj? Peb coob tag npaum no, peb sawv daws pab yeej tau xwb! Yawg Tswv txawm hiab tsuag tsuag tau ib lub pob tawb. Yawg Tswv txawm muaj looj kiag taub hau. Ces Yawg Tswv txawm dhia peb plhaw, nyooj peb suab, Yawg Tswv txawm tsheej kiag tib tug txiv yawg tsov lawm lauj! Yawg Tswv txawm khiav loo mus ib lwm, rov loo los kom sawv daws pab. Ces dawv daws ntaus pig poog pob tawb hle hlo. Tswv txawm hais tias, Yog nej pab li no mas kuv mam mus. Ces Yawg Tswv rov muab looj kiag rau, Yawg Tswv txawm mus lawm lauj! Yawg Tswv txawm khiav ceev ceev mus txog nram cov niag twm. Ua cas Yawg Tswv tsis pom ib tug twm li, Yawg Tswv pom pob zeb xwb. Yawg Tswv dhia plhaw lub, dhia plhaw lub los yog pob zeb xwb. Cov nyob pem no mas ntsia Yawg Tswv nim dhia dhia saum cov niag twm nraub qaum. Dhia ntev loo Ntuj thiaj pub ib tug niag maum twm laus laus rau Yawg Tswv tom. Yawg Tswv thiaj li pom tu ntawd. Yawg Tswv thiaj tib kaug rau thiab muab kwv los. Kwv los txog cov kwv tij, Yawg Tswv muab tso plhuav nrov poog. Cov kwv tij ntau lauj! Ntau tas zog pob tawb tsis hle li. Lawv ntau li cas los pob tawb tsis hle li lawm lauj! Yawg tswv txawm tij hlo los mus cuag poj niam me nyuam pab ntau. Poj niam me nyuam ntau tsis hle li thiab. Yawg Tswv los lawm cov kwv tij txawm muab niag twm laws tawv tsuag tsuag, nyuaj qhuav ua tiav tag, tseem ib leeg ci ib daig . Lub hnub tig hlo lawm, ua cas Yawg Tswv tig hlo rov los txog ntua. Cov kwv tij rov qab ntau lub pob tawb tsis hle li. Yawg Tswv txawm hais tias, Uab! Yog nej tsis pab tiag, kuv yuav muab nej ntxuav xwb lauj! Cov kwv tij sawv daws txawm thov thov tias, Yawg Tswv lauj! Thov koj txhob muab peb ntxuag , peb yeej pab kawb nkaus tsis tau lawm. Thov koj tsis txhob muab peb ntxuag. Yawg Tswv cia li ua tsov txij hnub ntawd lawm lauj! Lawv rov los txog tsev, Yawg Tswv quaj quaj lauj! Nruab hnub Yawg Tswv mus nyob tom hav zoov, hmo ntuj nws rov los pw hauv tsev. Nyob ib ntus, nruab hnub los Yawg Tswv cia li nyob hauv zos.

Muaj ib hnub tus kwv txawm hais tias : Tswv koj nyob hauv tsev koj saib me nyuam nawb! Hnub ntawd tus kwv mus teb lawm Yawg Tswv nyob nws txawm saib xwb lauj! Me nyuam quaj quaj yuav tuag saum txaj, me nyuam tso quav lo tas los Yawg tswv saib xwb lauj! Ib chim tus kwv mus teb los txog, tus kwv hais tias: Yawg Tswv! kuv twb hais tias koj nyob hauv tsev koj pab saib me nyuam no ne! Ua cas me nyuam lo quav tas, ceb muag tag li! Txij no mus koj zov me nyuam, yog me nyuam tso quav koj muab ntxuav nawb! Yawg Tswv thiaj teb tias: Awj! Kuv nyob hauv tsev ib ntsis me nyuam tso quav kuv mam muab ntxuav. Ces tus kwv Txam rov mus ua teb lawm. Tus kwv txawm hais tias: Tswv! Koj nyob hauv tsev ib ntsis me nyuam tso quav thiab ceb muag no koj muab ntxuav nawb! Tus kwv txawm mus lawm lauj! Yawg Tswv nyob hauv tsev, ib tsam me nyuam ceb muag thiab tso quav ces Yawg Tswv txawm muab me nyuam tom noj tas lawm lauj! Hnub ntawd tus kwv los txog, tus kwv nug tias: Me nyuam ne, Yawg tswv? Yawg Tswv teb tias: Koj twb hais tias kuv nyob hauv tsev, kuv saib me nyuam, yog me nyuam tso quav kuv muab ntxuav no. Ces me nyuam tso quav kuv ham tsis muaj ntxuav tag lawm les es! Tus kwv teb tias: Kuv kom koj muab dej ntxuav xwb naj! Cas yuav muab me nyuam ntxuav du dais li no! Yuav ua li cas os! Yawg Tswv? Yawg Tswv teb tias: Koj hais tias kom muab ntxuav no ces tso quav kuv kuj muab ntxuav xwb! Txij hnub ntawd los tus kwv chim chim lauj! Tus kwv txawm tawm tsev tsis nrog Tswv lawv nyob lawm.

Tus kwv txawm tuav tau ib cov tshuaj phom qhuav qhuav nkig nkuav. Nws muab ntim hauv phom thiab rau ib ya muas txwv rau, nws txawm tuaj soj Yawg Tswv tua lauj! Tsaus ntuj zuag, Yawg Tswv zaum tib tug niag ncaws nruj nris nram qab cub, tus kwv cia li tsa loo phom rau Yawg Tswv log siab. Tib teg nrov nkig nkuav rau Yawg Tswv, ua Yawg Tswv ntog khwb nris nram qab cub, ua plua tshauv ncho log. Yawg tswv txawm nroo tias: Ab! Ua cas yuav heev ua luaj! Ces Yawg Tswv txawm ntsoos ntsoos tau ib ntus Yawg Tswv rov zoo los. Yawg Tswv Xyas txawm tu siab. Yawg txawm khiav mus nyob hav zoov lawm xwb; tsis tshua nyob hauv tsev lawm laub!

Thaum Yawg Tswv ua neej nyob yawg txawj txawj neeb, yawg mus nyob hav zoov lawm, yawg poj niam me nyuam muaj mob ces kib paj kws tshuag tshuag rau saum Yawg lub thaj neeb, tawm mus raum zoov, tuaj raum zoov hu tias: Yawg Tswv aw! Hmo no koj los ua neeb saib me nyuam os! Ib chim tsaus ntuj yawg Tswv los zaum ntawm thaj neeb. Tib tug niag zoo li d e v ntse taws, nws ua neeb nrov his his hws hws, nws ua tas ces nws mam ho lawm. Yawg Tswv tawm mus ncig ntuj ncig teb lauj! Nws ncig mus txog Tuam tshoj teb, nws mus pom Huab Tais Tsov, mas loj tiag tiag li, loj luaj lub hauv rooblauj! Yawg Tswv txawm mus hais tias: Ab! Txiv Huab Tais! Wb sib kom tes taw yuad! Huab tais Tsov teb tias: Me tub! xav sim los sim tiag! Yawg Tswv hais tias: Txiv Huab Tais! koj xub sim rau kuv saib tso seb koj txuj ci luaj li cas? Txiv Huab tais txawm teb tias: Me Tub koj sim ua ntej tso, koj sim rau kuv saib, txiv mam sim rau koj saib. Yawg Tswv thiaj sim, Yawg Tswv nyooj 3 suab, dhia 3 plaw Yawg Tswv luaj nkaus lub hauv roob. Huab Tais tsov nug tias: Koj muaj li ntawm ko xwb los me tub? Yawg tswv teb tias: txiv Huab Tais! kuv muaj li no xwb. Txiv Huab tais tsov hais tias: Yog li no kuv yuav sim rau koj saib nawb me Tub! Huab tais nyooj 3 suab, dhia 3 plaw luaj nkaus 3 lub hauv roob lauj! Ces Yawg Tsawv txawm ua tsis tau li cas, nws txawm rov qab los mus tsev.

Yawg Tswv yuav npaj ua rog rau Huab Tais tsov, Yawg Tswv txawm mus tos neeg ncig Qab Ntuj hauv Ntuj lauj! Tos yav Qaum teb mus rau yav Qab teb, tos Nplog teb rau teb chaws Nyab Laj. Tos tus ub tus no, luag cav tus twg txawj dab tsis txawj los Yawg tos tib si, txawj qeej, txawj ntawv, txawj kwv txhiaj, txawj zaj tshoob, txiv xaiv, loj muaj zog, zoo nkauj zoo nraug…Yawg tos tib si. Yawg yuav tos kom tau tus muaj zog thiaj loj tshaj Yawg es Yawg mam mus nrog Huab tais tsov sim txuj ci. Thaum lub caij ntawd mas tej neeg ntshai rhwg qhuas ib tug txawj ub txawj no, qhuas kiag xwb mas tuag kiag li lawm… Yawg Tswv mas poj niam los tos, txiv neej los tos. Tos coob coob ces luag kho kho siab lauj! Luag niaj hnub seev luag txiv, niaj hnub seev luag poj niam me tub me nyuam lauj! Yawg Tswv txawm hais tias: Tsis ntshai! Nej tsis txhob kho kho siab, kuv mam mus tos neeg los ntxiv nej. Yawg Tswv thiaj mus tos neeg ntxiv, thiaj tos tau Paj yias. Tsov Paj Yias mas loj loj li, tus kaus loj tshaj Yawg tswv li thiaj lauj! Coj Paj yias los nyob tau 3 xyoos ces tsov Paj Yias tus kaus luaj nkaus li txha pob kws taj.

Muaj ib hnub tsov Paj yias txawm seev tias: Ab! chim rau Yawg Tswv hwv lawm. Yawg Tswv es nim los tos kuv , es kuv tso kuv poj niam me nyuam nyob rau tom qab. Cas yuav chim kuv siab ua luaj, cia muaj ib hnub kuv ob lub noob txiv taum ntaj nov foob qab tso, kuv sim yuav xyuas Yawg saib. Yawg Tswv nim yuav ua tau npaum li cas. Cas yuav tos yus los, es yuav tseg yus tej poj niam me nyuam quaj ntsuag nqees rau tom qab. Muaj ib tug txawm hnov lauj! Nws txawm mus hais qhia Yawg Tswv tias: Yawg Tswv! Koj ceev faj! Peb hnov Yawg Paj Yias seev tias ib hnub twg nws ob lub noob txiv taum ntaj foob qab mas yawg yuav nrog koj sib ntsuas zog no nawb! Yawg Paj Yias chim rau koj hwv lawm, koj mus tos yawg los lawm, nws tseg nws poj niam me nyuam quaj zom zaws rov tom qab. Muaj ib hnub nws yeej yuav nrog koj sib ntsuas zog xwb xwb li no. Yawg tswv txawm teb tias: Tiag tiag li lov? Cov niag teb tias: Tiag tiag li, peb hnov yawg hais li ntawd tiag. Ces Yawg Tswv txawm xav tias nws zog twb loj ib yam yus lawm, yog hnub twg Yawg Paj Yias ob lub noob txiv taum ntaj foob qab nws sim ntshe kawg yus yuav tsis yeej nws li xwb.

Muaj ib hnub Yawg Paj Yias lawv tseem mus yos noj lawm. Yawg Tswv txawm mus tos kev, Yawg txawm coj ib tug nrog yawg, nkawd txawm mus nyob saum ib lub tshag av tos. Yawg Paj Yias lawv tseem tab tom mus yos noj los, Yawg Paj Yias los ncag nkaus ces Yawg Tswv txawm tib plaw mus khawm nkaus Yawg Paj Yias caj dab lauj! Yawg Tswv muab yawg Paj Yias ncho ncho, Yawg Paj Yias tig los muab tsis tau Yawg Tswv li, vim Yawg Tswv khawm tau caj qwb lawm. Yawg Paj Yias khawb khawb Yawg Tswv ib ce to tag. Yawg Tswv thiaj muab Yawg Paj Yias ncho ncho Yawg Paj Yias tuag lawm lauj! Tab mas Yawg Tswv sab heev, yawg Tswv los ntsaj ntsaj tau 14-15 hnub mam zoo me ntsis.

Yawg Tswv txawm xav hais tias ntshe yuav tsis muaj neeg pab tau nws li lawm. Nws thiaj mus hais rau nws tus kwv hais tias: Kwv Ntxawg lauj! Koj tuav ib taub tshuaj phom zoo zoo, koj txiav 3 lub mos txwv nyiaj, 3 lub mos txwv tooj liab es koj nrog kuv mus yuad! Tus kwv teb tias: Tij Lauj Tswv! kuv yuav ua cas nrog koj mus tau? Yawg Tswv txawm hais tias: Tsis ntshai, kuv tias tau ces yeej tau xwb, koj txhob ntshai! Tus kwv thiaj tuav tau ib taub tshuaj, nws txiav tau 3 lub mos txwv nyiaj, 3 lub mos txwv tooj liab, ces nws txawm nrog Yawg Tswv mus lawm lauj! Yawg Tswv hais rau nws tias: Los kuv ev koj! Tus kwv thiaj nce loo rau saum Yawg Tswv nraub qaum, Yawg Tswv nkawd mus ib hnub, hnub tig hlo xwb mus txog ntuj Huab Tais tsov teb chaws. Yawg Tswv mus nrhiav tau ib lub hauv paus ntoo khoob loj loj rau nws tus kwv nkaum. Yawg Tswv txawm hais rau nws tus kwv tias:

Koj nyob twj ywm hauv nov nawb! Thaum twg kuv hu luaj tuag txog, luag ua li cas los koj txhob ntshai nawb! Thaum twg luag thiab kuv wb sib ntsuas zog, kuv hu koj tias pab lauj! Ces koj pab nawb, koj yeej meem rau ntua ntawm qia ntsej ntag nawb! Tus kwv teb tias: Awj!

Yawg Tswv txawm mus tuaj nram tiaj hu lauj! Nws hu 3 suab tag nrho, ib pliag xwb Huab tais tsov ya tuaj txog ntua. Huab Tais tsov mas tib tug loj loj li tus kwv tau poob siab me ntsis. Yawg Tswv txawm hais tias: Txiv Huab Tais tau 3 xyoos no lawm, kuv tsis tau tuaj xyuas koj. Hnub no kuv rov tuaj xyuas koj; wb sim sib sim tes taw me ntsis saib yuad! Huab Tais Tsov txawm teb tias: Yuav sim los tau kawg thiab tiag! Me tub koj pom xeeb tuaj sim tes taw diam, koj sim ua ntej rau txiv saib tso, txiv mam sim rau koj saib! Yawg Tswv txawm teb tias: Ua li los tau tiag. Yawg Tswv txawm nyooj laws 3 suab, dhia 3 plhaw, Yawg Tswv luaj nkaus ib lub hauv roob ntag. Huab Tais hais tias: me tub koj txuj tag li koj lawm lov? Yawg Tswv teb tias: A u b! Kuv txuj tag li no lawm! Huab Tais thiaj hais tias: Yog li no txiv mam sim rau koj saib! Huab Tais nyooj 3 suab, dhia 3 plhaw, Huab tais luaj nkaus 3 lub hauv roob lauj! Yawg Tswv xav tias: Ab! Ua kiag tso xij peem lauj! Tawg Tswv txawm hais tias: Txiv Huab Tais! koj txuj ci loj dua kuv tab sis wb sim sib ntsuas zog seb! Huab Tais teb tias: Ntsuas los tau tiag me tub! Ces Yawg Tswv thiab Huab Tais nkawd sib ntsuas zog lauj! Yawg Tswv txawm xub sim, Yawg txawm xa tib teg rau Huab Tais tsov caj pas, Yawg Tswv xa 4 5 nchos, Huab Tais Tsov sawv ntseg ntsees li qub. Huab Tais Tsov thiaj ntsiab nkaus Yawg Tswv xwb qwb, muab Yawg Tswv nias nkaus rau hauv qab; Yawg tswv xav zoj ntshe yuav tuag tiag lauj! Yawg txawm hu tib suab tias: Kwv Ntxawg, pab lauj! Tus kwv thiaj li tib phom rau Huab Tais Tsov qia ntsej, ua Huab Tais Tsov tuag kiag lawm lauj! Ces ob kwv tij txawm rov qab los txog Yawg Tswv txawm hais rau tus kwv tias: Me kwv! nyob teb chaws no txom nyem hwv lawm, tsis muaj dab tsi noj. Yuav mus noj luag dab tsi los luag cem; yeej mus tom tsis tau luag ib yam dab tsi los noj li. Lam noj luag tej nyuaj qub pob kws, tej nyuag qos liab dog pes dig xwb txom nyem hwv kuv yuav mus nyob lawm Tuam Tshoj teb. Nyob rau lub teb chaws Xov Tshoj no nqaim dhau txawm nyob los nrhiav noj nyuaj, Huab Tais tsov twb tuag lawm ces ntshe kuv yuav mus nyob lawm Tuam tshoj teb. Ces tus kwv txawm rov qab los tsev lawm.

Nyob rau lub zos uas Yawg Tswv lawv nyob, Yawg Tswv txawm mus tos tau ib tug poj niam, nws tseg nws cov txiv tub nyob. Tus poj niam ntawd pheej rov qab mus pub nws tus me nyuam mis. Muaj tej hmo tus txiv tsis nyob lawm, tus txiv hu tias: Koj niam! kuv mus lawm ib pliag koj los pab saib me nyuam ov! Koj los ua me nyuam luag pw! Ces nws pheej los ua cov me nyuam luag pw, los pub mis rau tus me nyuam yau noj. Ib tag kis nws rov mus ces Yawg Tswv txawm hais tias: Hais rau nej sawv daws paub! Xyoo no peb yuav tsiv!
Yawg Tswv lawv yuav khiav mus nyob lawm Tuam Tshoj, Yawg Tswv txawm tuaj mus hais nkoj rau puag nram ntuj dej Naj Khoos, tso yuav hla mus rau Thaib teb, mam mus rau Tuam tshoj.

Yawg Tswv thiaj tuaj hais rau Thaib hais tias: Kuv xav ntiav nkoj hla dej, saib nej cov Thaib pab puas tau kuv? Cov Thaib teb tias: Tau kawg! Yog koj ua hlob, koj yuav los mus no peb mam npaj tos. Yawg tswv thiaj li teem caij rau Thaib tas; Yawg Tswv thiaj rov qab los txog. Tus poj niam uas Yawg Tswv tos es pheej niaj hmo rov mus pub me nyuam mis ntawd txawm hais rau nws tus txiv tias: Koj txiv ntshe peb yuav tsiv es ntshe kuv yuav tso nej cov txiv tub tseg tiag tiag li, ntshe peb yuav tsis sib pom lawm. Rau qhov peb yuav tsiv mus deb deb heev, ntshe yuav ntev ntev mam yuav sib pom ib zaug , koj nyob koj hlub kuv cov me nyuam mog! Ces tus txiv teb tias: koj niad! Thaum twg nej li mus? Yog koj mus no koj hais rau peb pab paub mog, peb cov txiv tub nco nco koj li. Yog nyob ze ces sawv daws sib cuag tau, yuav hais dab tsi los hais tau. Tsam koj mus deb deb lawm peb cov txiv tub yuav ua cas nco koj! Tej me nyuam nco nco koj, peb yuav ua cas nyob? Ntshe tej me nyuam yuav tsis pom koj lawm. Hnub twg nej mus no koj hais rau kuv paub thiab mog koj niad! Tus niam txawm hais rau tus txiv tias: Tshua 3 hnub xwb ces peb yuav mus nawb! Yawg Tswv twb mus hais tau nkoj lawm. Yawg Tswv kom luag nrhiav nkoj nyob nram ntug dej Naj Khoos tos lawm. Peb yuav hla dej mus rau sab Thaib teb peb mam mus rau Tuam Tshoj. Muaj zoov ntau sawv daws mus coob coob thiaj li yuav nraim tau cev. Tus txiv txawm hais tias: A u b! yog li 3 hnub ces nej yuav mus tiag lov, koj niad! Nkawd sib tham li ntawd tag ces tus poj niad mus lawm lauj! Tus txiv txawm mus hais rau cov Thaib uas Yawg Tswv tau mus teem tias: Tshuab peb hnub yuav muaj ib pab neeg coob coob los mus, Nws tau tuaj kom nej nrhiav ib cov nkoj tos no puas muaj los tsis muaj? Cov Thaib teb tias: A u b! muaj ib tug nom, Nws yuav tsiv teb tsaws chaw los mus lawm Tuam Tshoj teb; nws pej xeem coob heev, nws tau tuaj teem nkoj tiag. Ces tus txiv uas tus poj niam los pub me nyuam ntawd txawm hais rau Thaib tias:
Hais rau nej paub cov neeg yuav los ntawd mas tsis yog neeg saum Yaj no, lawv yog neeg nruab Yeeb xwb. Txog hnub ntawd mas nej nrhia kom tau cov nkoj uas nws tau teem tuaj ntawm no. Nej yeej meem nrhiav tub tej tub taws, npaj cuab yeej, riam phom kom khov kho tuaj tos nawb! Nej yuav tsis txhob pub cov neeg ntawd hla los mus rau hauv nej lus teb chaws, yog lawv mus rau nej teb chaws mas tsis ntev xwb nej lub teb chaws yuav ntxhov xwb. Rau qhov cov neeg nov yog neeg nruab Yeeb, yeej muab peb cov Hmoob tos lawm coob kawg li. Nws yog ib tug neeg lub siab tsis ncaj, nws tos tos ua rau luag tej quaj ntsuag tas. Yog nej tsis pab tua kom cov neeg ntawd tu noob, nej cia lawv los los rau hauv nej teb chaws, nej teb chaws yuav lwj yuav liam tas. Kuv tsuas hais npaum no rau nej xwb. Txog hnub ntawd nej kav tsij npaj riam phom nyob pem toj thiab nram hav tos tib si. Nej cia cov neeg ntawd hla txog ntu nruag nrab. Thaum nej coj lawv txog ib nrab deg, nej muab lawv nchuav liam, nej mam ua luam dej tawm. Nej cov tuav riam tuav phom pem toj nram hav yuav tsum tua tsis txhob pub ib tug pom li. Cov Thaib teb tias: A u b! Yog muaj li koj hais tiag no, peb mam li npaj raws li koj hais rau peb paub.

Cov Thaib thiaj npaj riam phom nyob pem toj ram hav. Tau 3 hnub Tswv lawv los lauj! Yawg Tswv mas yog tus thawj kiag ntag, nws ua ntej loo, rau tib nkawg khau tawv. Hos lawv ib leeg kwv ib rab phom suab yi nram ko taw. Cov txiv neej ib leeg muaj ib rab ntaj (yog tsos tus ko tw, yees ua ntaj). Tsuas tias rau khau teeb ntxwv xwb, ib leej hnav ib ce zam hmoob dub nciab xwb lauj! Hos cov poj niam mas ris me nyuam quaj zom zaws, tus tuav tes los tuav, tus ris los muaj. Yog nkaus li cov neeg tsiv teb chaws ntag. Me nyuam quaj zom zaws, lawv los so tib tiag, sab ntug dej tim ub uas nyob rau Nplog teb. Yawg Tswv mas tsuas hais ncig nquj nquas tom ub tom no. Yawg Tswv hais rau Thaib tias: Ua li nej cov nkoj tuaj tag lawm los tsis tau? Thaib teb tias: A u b! tuaj tsis tau txhij nawb! Ib pliag Yawg Tswv rov nug dua tias: Txhij lawm los tsis tau? Thaib teb tias: Tuaj Txhij lawm lauj! Yawg Tswv hais tias: Nkoj tuaj txhij lawm, sawv daws tu khoom yuav mus lauj! Sawv daws thiaj nce hauv nkoj. Yawg tsis pub ua ob peb fij li ntag. Sawv daws nce txhij lawm ces Yawg Tswv ua tus them nyiaj rau Thaib. Lawv hais haum tas, Yawg Tswv hais tias: Tiav tag lawm ces tib txhij mus nawb! Tsis txhob ua ob peb fij! Thaum Yawg Tswv them nyiaj rau Thaib, lawv txais kuj yog Nyiaj tiag, zoo ib yam cov nyiaj Thaib niaj hnub siv ntag. Cov tswv nkoj thiaj li tib txhij nquam kiag cov nkoj mus txog tom plawv dej. Cov tswv nkoj cia li muab cov nkoj ntawd nchuav kiag rau hauv dej tag nrho lauj, ces lawv mam ua luam dej tawm. Cov tub tuav riam phom peb toj nram hav tua ua dej txaws dawb qas vog, hos cov nkoj tawg ua lwj ua liam tag. Cov neeg ntawd thiaj raug tuag tas rau hauv dej NAJ Khoos lawm.

A u b! Yawg Tswv dhia dhia, Yawg Tswv dhia dim los rau sab ntug dej tim ub lawm. Yawg tswv raug mob lawm thiab lauj! Thaum Yawg Tswv yuav tsis teb tsaws chaws Yawg Tswv hais rau nws poj niam tias: Nej nyob, kuv mus rau Tuam Tshoj lawm. Xyov yuav phem los yuav zoo, kuv tsis paub. Nej nyob nej saib tsob xyoob nplooj dauv ywb yi tid, kuv lub chaw pw nyob hauv tsob qab xyoob ntawd. Yog peb sawv kev lawm, nej nco ntsoov saib tsob xyoob tid nawb mog! Tsis yog ob peb hnub koj mam saib ib zaug xwb! Nco ntsoov saib mog. Yog tias tsob xyoob ntawd ntsuab mus li, mas tej zaud yuav tsis ntshai. Yog tias tsob xyoob tid daj kiag lawm, koj kav tsij tuaj xyuas mog. Ces Yawg Tswv mus, Yawg Tswv raug mob, Yawg Tswv dhia dim rov qab los, Yawg txawm rov los pw Yawg lub chaw, hauv tsob qab xyoob uas tau hais tseg. Nws cov poj niam me nyuam tsis nco qab saib tsob xyoob lawm lauj! Muaj ib hnub nws poj niam nras dheev tias: Ab! Yawg Tswv kom kuv nyob kuv saib tsob xyoob no. Ua cas kuv tsis nco qab lawm ni! Nws thiaj mam saib tsob xyoob; ua cas tsob xyoob twb daj tag. Tus poj niam thiaj li khiav khiav mus xyuas . Ua cas Yawg Tswv twb los pw hauv Yawg Tswv lub chaw, Yawg Tswv twb tuag lawm. Kas twb npau xi lawm lauj! Ces thiaj paub tias Yawg Tswv lawv mus txog nram dej lawv raug li ntawd lawm. Hos cov Thaib uas tau txais cov nyiaj ntawd, thaum sawv daws dhia tawm sab ntug dej tid tas lawm, lawv muab cov nyiaj thau los saib naj yog tib cov txiaj ntawv thaum neeg tuag es txiav xwb. Cov nyiaj ntawd tsis yog nyiaj saum Yaj, Thaib thiaj ua xov xwm ceeb toom tawm rau sawv daws saib. Yog Xyoo 1957-58 no xwb. Nyuam qhuav tau tsis ntev los no.

Ntev mus ntev tuaj, ces Tswv Xya thiaj ua tsheej ib tug dab tsov loj. Ces thiaj pib tom nyuj tom twm tuaj. Tej neeg zej zog pib muaj mob muaj tuag. Cov neeg uas tuag puav leej yog cov poj niam zoo nkauj thiab cov tub zoo nraug xwb. Dua li ntawd, ces Tswv Xya los tos cov neeg txawj neeg ntse thiab cov coj noj coj ua zuj zus. Thaum no, neeg zej zog sawv daws thiaj li ntshai ces thiaj li khiav ib co rau qhov ub ib co rau qhov no. Lub sij hawm no mas, tus xwm txheej mas kub kub kawg li. Niam cem tsis tau txiv hais tias "Niag tsov tom" lossis "Niag Dabcab" "Koj yuav tuag laud". Hais tsis tau tej lus no li. Yog leej twg thiab tsev neeg twg siv cov lus no ces tus raug cem ntawd txawm tuag lawm ntag, vim Tswv Xya ua dab rov los tos ntag. Ua mus ua tuaj, tej tub zoo nraug, tej ntxhais zoo nkauj los yeej hais tsis tau hais tias "Zoo nkauj kawg" lossis "Zoo nraug kawg". Yog hais li no ces tsis ntev Tswv Xya lawv los tos mus li lawm thiab. Mas tej lus no caiv los txog niaj hnub nim no. Ib txhia twb tseem tsis tau kam qhua nws tej me tub me nyuam hais tias "Zoo nkauj, zoo nraug, txawj ntse, lossis paub ub paub no." Qhov neeg sij hais heev ces, tsuas yog hais tias "Phemquav kawg thiab mas" thiab "R.uam tsis paub dab tsi as no xwb". Vim dab tso hlob hlob li.



Nyob lub zos Haiv Tais, kuv niam hais tias, peb cov kwvtij neej tsa mas phua tx.i.ag ntoo los xov zos thiab xov tsev. Cov t.x.iag ntoo uas ua lajkab xov tsev mas siab li 6 feet tawm, siab los cov tsov no yeej tsis txhawj dhia sab nraud los tom nyuj tom npua thiab kwv dhia lajkab coj mus noj tom hav zoov. Muaj ib zaug, kuv niam tseem tab tom, tuav tuav co ntawm maum kaum, ua yog lub caij kab tua nas quaj zom zaws li thaj tsam 6 pm. Ces ib tug tsov dhia los tom kuv pog lawv ib tug maum npua, thiab kwv dhia lajkab mus dua tom hav zoov lawm.

Hos muaj dua ib zaug ntxiv, muaj ib yim Hmoob nyob ze ntawm kuv yawg lawv lub tsev thiab, yim Hmoob ntawd tus poj niam tab tom tsuav zaub npua ze rau ntawm ib sab phab ntsa. Ces ib tug tsov khawb av sab nraum zoov tuaj, tus txov no cev tes los rub tus poj niam no txhais tes. Tus tsov no thiab tus poj niam no nkawv sib nriag sib nriag, ces zoo hmoov tus poj niam hmoob no xyuas ko taw ntau phab ntsa ces tus tsov thiaj tso thiab rub tsis tau nws.

Nkawv sib nriag ntev, nws tus txiv ho mus nrog cov kwv tij neej tsa caum tsov tom nyuj lawm, tseem tsis tau los, ces tus tsov no twb los cev tes lauj nws poj niam lawm. Tus poj niam no thiab tus tsov sib nriag sib nriag ntev uas tus tsov qaug zog, ces tus poj niam no mam li maj mam rub tus tsov txhais tes los teem ntawm lub tog tsuav zaub npua thiab mam li muab rab riam maum tws los txiav tus tsov ntawd txhais tes. Thaum tus tsov tib nriag rov sab nraum zoov, ces nws 2 txhais tes khawm tsov txhais tes khov kho, thiab nws xuas ko tawm nta kiag phab ntsa, tso zog ntaug kiag, nws rub kiag tsov txhais tes rov los txiav dua. Ua mus ua los, tus poj niam no thiaj muab tus tsov uas ces tes nraum zoov los lauj nws ntawd, muab nws ib txhais tes txiav tu. Ib chim tav li thaj tsam 10 moo, uas tsaus ntuj ntawd, nws tus txiv mam li los txog tsev, tus txiv mam li pom nws poj niam qhwv tes ntshav liab vog, ces tus niam thiaj hais tias koj mus ntev ntev, tsov twb rub yuav luag tau kuv mus tom lawm nraum zoov. Ces nws thiaj li qhia tias nws muab tsov ib txhais tes txiav tu rau tom lub tog tsuav zaub npua. Tus txiv thiaj mus pom ib txhais tes tso txiav tu rau tov tiag. Tag kis, kaj ntug, lawv thiaj mus taug tus tsov tes tu no qab, tus tsov no kuj tseem khiav tsis tau deb vim nws ib txhais tes tu lawm. Lawv thiaj mus raws qab thiab tua tau tus tsov no.


Cov tsov dab no mas, tab meeg los tom luag tej nees tom nkuaj, tom tej las npua tsiab nram nkuaj, tom tej txiv heev nyuj nram nkuaj li. Cov tsov no tseem tom kiag ib tug poj niam Hmoob mus ris dej ntawm lub zos hav tais thiab. Tus tsov no tom tau tus poj niam no, muab noj tas 1 ceg ncej puab. Ces cov kwv tij sawv daws thiab nws tus txiv chim chim ces, lawv thiaj li mus zov tua tus tsov uas tom tus poj niam no. Lawv mus ua ib lub txaj ntoo siab siab puag saum ntsis ntoo zov. Thaum tus tsov los yuav luag txog, cov dab poj ntxoog ua rau tus poj niam cia li sawv tsees thiab luag nyav, ces tus tsov ntsia dheev tuaj rau saum ntoo uas lawv nyob zov. Lawv thiaj tua tib tsaug phom Hmoob shaum ntoo tuaj raug kiag tus tsov. Lawv thiaj muab tus tsov kwv los thiab muab tus poj niam uas tsov tom no kwv los thas thiab faus. Dab tsov hlob hlob li, neeg tuag los npau, tsov ho tom los npau, ces ib txhia li kuv pog kuv yawg lawv thiaj khiav los rau xeev teb lawm. xxxxxxxxxx


Tham txuas mus.

Ntawm lub zos haiv tais, thaum tus tsov tom tus poj niam Hmoob ntawd tas, es lawv muab tus tsov ntawd tua tau lawm, tsis ntev muaj ib co niam txiv tub ho mus ua teb, daim teb kuj nyob tsis deb ntawm zos Haiv Tais, tab sis lawv ua teb lig lawm, ces txawm ua ib siab pw nram tsev teb. Thaum lawv ua hmo noj tas nrho ib pliag, ces tus poj niam tseem ua me ntsis hauj lwm thiab nws tseem ris rawv ib tug me nyuam me. Muaj ib tug tsov cia li dhia ib plhaw nraum lub qhov muag tsev los tom kiag tus poj niam no thiab kwv kiag nws dhia tib plhaw rau nraum zoov, ces tus me nyuam me uas leej niam ris nraum nraub qaum thiaj li mus poob nthav nraum zoov. Tus txiv mam muab rab phom hmoob los ntim txhuaj ces mam taw tsau mus xyuas nraum zoov, thiaj pom nws tus me nyuam poob nraud, tab sis tsov kwv nws poj niam ntshav liab vog dua pem hav zoov lawm. Tus txiv thiaj li mus muab tus me nyuam nqa los tsev. Hmo ntawd, lawv 2-3 txiv tub nyob ib hmo, tsis pw li. Tag kis kaj ntug, cov txiv tub thiaj li los rau pem zos loj los hais coj kwv tij thiab zej zog, ces lawv thiaj coj* kwv phom mus raws tus tsov qab, tus tsov no twb muab tus poj niam noj tas 2 ceg qab, lawv lam khaws tus niam yav cev los pam lawm xwb.

Nyob rau lub Zos Hav Tais tib yam, muaj ib tug kwvtij hu ua Ntsuab Kos no mus raws npua teb. Thaum lub caij ntawd kuv niam mus ua teb nram teb, daim teb mas hais li kuv niam hais mas tsuas nyob deb li 1/2 mile ntawm ntug zos xwb, ces Ntsuab Kos txawm mus tua npua teb ze rau ntawd. Txawm muaj ib tug tsov dhia tom Ntsuab Kos qab thaum nws nyas npua teb, ces tus tsov no muab Ntsuab Kos tom sab sab, tab sis nws tua tsis tau tus tsov no. Thaum neeg zej zog hnov Ntsuab Kos thiab tsov qw nta hav vos, ces cov txiv neej thiaj li kwv phom mus pab. Thaum lawv mus txog ces Ntsuab Kos twb yuav tuag. Lawv muab nws kwv los txog pem tsev ces nws tuag lawm.

Muaj ib zaug ib tug kwv tij txawm mus yos hav zoov tib yam. Tab sis zaum no tus kwv tij no ho muaj hmoo. Nws yos los txog ntawm ib lub laj roob ntsia ntsoov tuaj rau tim zos. Lub sij hawm no hnub tab tom qaij hlo, kwv yees 1-2 pm xwb. Cov Hmoob tim zos ntau nruas neeb ua neeb, nrov nphas nphas, no ces tus tsov txawm sawv tsees nram yav qab cav ntsia ntsoov rau tim zos, tus tsov txawm quaj (mlos, mlos) nrog lub nruas. Nws thiaj ntsia dheev pom tus tsov, tab sis tus tsov tsis pom nws vim tus tsov saib mus rau tim zos lawm, ces tus kwv tij no thiaj li ceev nrooj los tsev. Yawg los txog tsev mas, yawg ntshai ntshai. Txij ntawd yawg thiaj li tsis mus yos hav zoov ib leeg lawm.

Qhov no yog kuv tham txog tsov los tom nyuj tom twm, thiab tom neeg hauv zos Hav Tais xwb. Lwm zaus kuv mam tham txuas ntawm Tsov Paj Yias thiab Tsov Paj Raus. Ua tsaug koj los mloog dab neeg.

Ua ntej thaum cov tsov yuav los tom lawv li koj tham no ces, txawm pib muaj ib tug ntxhais zoo nkauj tsawv, txawm sawv ua niam ntuj (ua saub) no los mas. Tus ntxhais no kuj saib qee yam leej thiab. Ces cov niam txiv sawv daws kuj ntseeg nws. Nws thiaj hu cov ntxhais coob tus mus nrog nws ua haujlwm saub. Lawv vwm saub li no tau muaj ib tog xyoo. Muaj ib hmo, ces lawv sawv daws txawm ua li ua neeb mos caum. Cov ntxhais thiab cov tub txawm tuaj tag nrho rau hauv ib lub tsev. Cov tub thiab cov ntxhais no txawm dhia dhia, ces ib chim lawv cia li hloov kev dhia ntawd. Lawv txawm los nkag li cov xov pav, ces cov tub txawm nce tom qab tuaj. Cov ncaj ces lam ua li txoj kev cai uas tus ntxhais saub no hais xwb. Cov hluas uas tsis txhua ncaj es xav tham hluas nkauj ces, lawv cia li kav seem qhov nkag ntawd nce cov ntxhais thiab deev tiag tiag. Lawv ua mos caum vwm li no, tau kiag ib tog xyoo, ces thiaj li mus txog qhov koj tham tias tsov yuav los nrog lawv ua r.o.g no los mas. Thaum cov tsov no pib los, ces cov tsov no los tom lawv tej tsiaj tuag pawg pes lug rau ub rau no. Tom lawv tej npua, nyuj, nees. Neeg zej zog thiaj pib cem tias ua cas yuav muaj tsov coob ua luaj li los tom lawv tej tsiaj. Tus ntxhais saub no thiaj li hais tias, nej tsis txhob cem cem cov xov pav no, lawv tseem yuav los nrog nej ua puv thiab. Ces cov laus thiaj li nug koj nqe lus ntawd hais tias ua li thaum twg cov tsov no los nrog lawv ua puv? Tus ntxhais ntawd thiaj li qhia rau cov laus neeg. Ua ntej lawv kuj tsis tshua ntseeg thiab, tab sis ua cas cov tsov pheej los tom lawv tej tsiaj heev zuj zus, ces txawm muaj ib hnub, thiaj muaj tus ntxhais saub ntawd thiab ib tug tub hluas nkawv thiaj hnav ris tsho li koj tham no. Nkawv thiaj hnav zam li yuav mus pov pob, tab sis twb tsis yog txog 30 caug. Nkawv cia li vwm, hais ib co lus txawv txawv lawm, thiab seev yees mus dua pem ntug zos li koj tham no, ces cov laus saib nkawv ua txawv dhau hwv lawm, lawv thiaj ceev ceev mus zij kiag nkawv rov los. Ib pliag tus ntxhais saub no thiab feeb rov los tham tias cov xov pav no hu nkawv, nkawv thiaj li mus. Luag tab tom los nrog lawv cov neeg hauv lub zos no ua r.o.g. Thaum no, cov txiv neej thiaj li mus npaj phom tag nrho. Lawv thiaj sau zog los nyob ua ke rau 2-3 lub tsev sib ze ntawd. Lawv muab cov txiv neej uas paub tua phom faib ib yig no 5-6 leej txiv neej. Tab sis lub caij no, tus puav thiaj muaj cov phom Fab Kis 3 teg thiab 5 teg ntawd xwb. Dua li feem coob tseem tua phom Hmoob xwb. Lawv thiaj li kib tshuaj phom nkig nkuav tos. Thaum hnub qaij hlo, kab tua nas pib quaj zom zaws ces cov tsov no pib los. Lawv thiaj li taws teeb roj npuas thoob tsev zov. Nraum zoov ces tsov pib los tom lawv tej tsiaj, tej npua, tej nees, thiab tej nyuj. D.ev mas tom quaj pos tw nthoob rau ub rau no xwb. Thaum tseem pom kev zem zuag, ces twb pib pom tus puav tsov los tshwm hauv plawv zos, ces lawv twb pib xyuas phom tua tuag tus puav lawm. Ib pliag thaum tsaus ntuj kiag, ntawd ces cov tsov pib los tawm tsam lawv li koj tham no. Cov tsov no muaj muaj zog, nws txim kiag tim tej qhov phab ntsa lossis qhov nruab los. Thaum sawv daws pom txim los mas zoo li luaj tus miv xwb, tab sis thaum lawv tua ib tsaug phom rau tus tsov. Tus tsov tuag kiag lawm ces yeej loj li cov tsov loj ntawd lawm ntag. Lawv thiaj tua tua txog ib tag hmo, ces lawv thiaj tua tau tus tsov daj thiab tus tsov dub li koj tham. Qaib pib qua ces cov tsov pib thim zuj zus mus. Kaj ntug kiag ces cov tsov thiaj li thim tas, tsis muaj tsov lawm. Cov neeg zej zog thiaj li mam los muab cov tsov no suav. Cov uas lawv tua tuag ntawm zos kiag muaj ze li ntawm 10-20 tus tsov. Cov khiav ntshav liab vos lawm muaj ntau. Ces cov neeg ntawm lub zos no ntshai ntshai, yog li ntawd, cov neeg zos ntawd thiaj li tsij tag nrho los nrog lub zos loj nyob lawm. Tsij ntawd los zoo li thiaj li tsis muaj tsov los tom neeg hauv zos lawm.

Kuv tham txuas koj qhov uas TSWV XYA tas kee muaj fwv seej ua dab tsov. Raws li tej laus tham ua ntuv zus los es yus nco tau tias Tswv Xya tuag tom thib 2 ntawd mas muaj li no:

1. Yog Tswv Xya tuag thaum lawv los tom cov neeg zos nyob rau lub zos me me uas koj thiab kuv wb tham los saum no, es lawv muab cov xovpav no tua tuag coob coob, ces txij ntawd los thiaj li tsis txhua muaj tsov tom neeg lawm.

2. Yog Tswv Xya lawv pab tsov no rov mus hla Dej Liab thiab Dej Ntsuab rov mus lawm pem tuam tshoj, es lawv mus poob deg tuag tas lawm, vim tias tus Dej Liab thiab Dej NTsuab no loj heev li. Cov laus tham tias thaum lawv mus txog ntawm tus ntug Dej Ntsuab ces lawv txawm txia ua neeg. Lawv tau mus thov cov NCuav Dawb (Thai Dum ) muab nkoj los nquam xa lawv hla dej. Cov Ncuav Dawb no xa thawj thawj nkoj hla dej txog sab tim ub lawm, ces cov Ncuav Dawb no rov los tos 2 pab tom qab. Thaum thawj pab lawv muab xa dhau dej ntawd them nyiaj rau cov Ncuav Dawb mas kuj yog nyiaj tiag, tab sis thaum cov Ncuav Dawb no txais lawv cov nyiaj tas, es rov los yuav txog 2 pab tom qab, ua cas cov nyiaj uas thawj thawj pab them rau cov Ncuav Dawb no yog xav txheej xwb, tsis yog nyiaj, ces cov Ncuav Dawb no thiaj paub hais tias cov no tsis yog neej, lawv yog dab xwb. Thaum no, cov Ncuav Dawb thiaj li rov los tos pab nruab nrab. Cov Ncuav Dawb no xa lawv mus txog nrab deg ntawm tus Dej Ntsuab, lawv thiaj li muab cov tsov no nchuav rau hauv dej. Ces pab nruab nrab thiaj li tuag tas lawm. Tshuav pab thib 3 ces lawv thiaj li khiav rov qab lawm. Txij ntawd los ces, Tswv Xya moo los tos neeg thiab tom neeg thiaj li ntsiag lawm. Thiab cov Tsov Dab no thiaj li tsis muaj muaj fwjchim lawm vim Tswv Xya tuag lawm. Hais txog qhov tsov tom neeg thiab tom nyuj, twm, nees, thiab npua thiaj li tsawg lawm thiab hais txog cov Tsov Dab no rov los tos neeg thiaj li tsis tshua muaj heev heev lawm.

3. Raws li tej laus tham qhov tseeb tseeb tiag tiag mas yog Tswv Xya Lauj tus kwv uas hu ua Tooj Pov Lauj no rov muab Tswv Xya tua tuag lawm xwb. Qhov teeb meem uas Tooj Pov Lauj muab Tswv Xya tua no mas, tej laus tham meej meej hais tias nyob rau lub zos Haiv Ntoo Qaub ntawd, muaj ib xyoo, Tswv Xya pheej los heev heev, los nrog Tswv Xya tsev neeg thiab Tooj Pov Lauj lawv tsev neeg nyob. Tswv Xya los thiab los ces Tswv Xya cia li tshwm sim txia los ua neeg nrog lawv nyob. Muaj ib hnub, Tswv Xya tsawm hais rau Tooj Pov Lauj hais tias Tswv Xya nqhis nqhis dej, ces Tooj Pov tsis totaub, Tooj Pov txawm tso cai hais tias, nqhis dej ces yus kuj mus haus yus. Ces Tswv Xya txawm sawv mus haus dej lawm. Tswv Xya mus haus dej tas ces Tswv Xya rov los nyob li qub. Thaum no Tooj Pov mam nco nrhiav Tooj Pov ib tug me nyuam tub yau, tab sis nrhiav qhov twg los nrhiav tsis tau li lawm, ces Tooj Pov thiaj li nug Tswv Xya hais tias, ua Tswv Xya puas paub Tooj Pov tus me nyuam tub yau no mus dua qhov twg lawm? Tswv Xya mam qhia hais tias vim Tswv Xya nqhis nqhis dej, es Tswv Xya muab nws ua dej haus lawm. Thaum no Tooj Pov mam totaub tias thaum Tswv Xya taij taij Tooj Pov tias Tswv Xya nqhis nqhis dej ntawd yog nws xav noj Tooj Pov tus tub me ntawd ntag. Tooj Pov nkawv 2 niam txiv xav mus xav los, chim nkawv heev, ces muaj ib hnub Tooj Pov thiaj li nrhiav ib lub tswv yim tua Tswv Xya. Tooj Pov thiaj li mus ntaus ib lub muas txwv nyiaj thiab npaj ib rab phom Hmoob ntev 8 dos. Muab lub muas txwv nyiaj ntawd ntim rau hauv rab phom nrog rau 1 lag tshuaj phom. Thaum Tooj Pov rov pom Tswv Xya los, ces Tooj Pov thiaj li ua txuj mus ua teb thiab tawm mus nraum zoov lawm. Tooj Pov mam nyas rov los, thiab taw phom nraum qhov tsev twm ywm tuaj. Thaum Tswv Xya mus mus los los ze rau Tooj Pov rab phom uas zoo tsam thawj tua, ces Tooj Pov thiaj li qib kiag Tooj Pov rab phom rau. Rab phom txhais nrov npoog ces thiaj li raug kiag Tswv Xya nruab log siab. Tswv Xya thiaj li tuag kiag. Thaum Tswv Xya tuag lawm, Tswv Xya yog ib tug tsov loj loj lawm xwb. Txij li qhov no los ces thiaj li tsis muaj Dab Tsov Tswv Xya lawm. Thiab qhov uas lawv los tos neeg thiaj li tas rau qhov no.

Qhov tiag tiag ces yog Tswv Xya tsev neeg rov muab nws tua tuag lawm xwb, vim nws tos neeg los tos tas npaud, tom neeg noj los tom tas npaud, ces nws tsev neeg thiaj li rov muab nws tua tuag. Dab Tsov thiaj li tas rau qhov no. Cov tsov uas los tom cov Hmoob nyob rau lub zos me me uas tham los saum no yuav yog Tswv Xya cov tubr.o.g tsov lawm xwb, los tsis paub.

txawm NTxuaj Teg Vaj yog peb ib tug phauj uas yog kuv txiv lawv ib tug cousin nyob rau lub zos Hav Ntoo Qaub ntawd, ntshe yuav yog thaj tsam 1920-30 ntawd. Ntxawm Ntxuaj Teg mas nws yug los thiab loj hlob los, nws yog ib tug ntxhais ncaj ncees, tsis ua plees yi, thiab pab niam pab txiv ua noj ua haus. Nws yog ib tug ntxhais liaj ntxhais teb xwb. Thaum lub sijhawm uas Tswv Xya tseem muaj muaj power ntawd, ces Ntxawm Ntxuaj Teg sawv ua saub "Psychic". Tej thaum kuj zoo li nws becomes schizophrenia thiab, tab sis qhov neeg zej zog ntseeg nws thiab tej niam tej txiv ntseeg nws mas, vim nws saib dab khoom ploj khoom xiam kuj leej xws li npua ploj, nees ploj, nyuj ploj, nyiaj ploj, neeg muaj mob thiab neeg mus tsham zoov tsham tshuaj poob zoo. Nws saib leej heev. Ua mus ua tuaj ces cov dab Tswv Xya no pheej los nrog nws tham thiab los qhia nws. Leej twg mob yuav kho tsis zoo los Ntxawm paub. Leej twg mob, ho kho yuav zoo los Ntxawm paub tib si. Thaum ho muaj ib tug neeg tuag lawm, los nws los hais rau Ntxawm, kom NTxawm hais rau nws tsev neeg tsis txhob quaj quaj los NTxawm kuj ua tau. Raws li cov laus tham, thaum Ntxawm paub txog psychic ntawd tsuas muaj kwv yees li 3-4 lub xyoo xwb ces Ntxawm txawm tuag lawm.

Ntxawm muaj 2 lub nicks. Ib lub hu ua Ntxawm Ntxuaj Teg, hos ib lub hu ua Ntxawm Ntaus Ncas. Lub nick uas hu ua Ntxawm ntaus ncas mas yog dua vim nws siv rab ncas los hu thiab tham nrog cov tsov Tswv Xya. Lawv cov niam cov txiv ua li lub tsev me me rau Ntxawm teev tiam cov Dab Tswv Xya no. Yog leej twg thov txog Ntxawm, thiab xav nrog nws cov neeg tuag lawm tham, ces Ntxawm mam mus hu nram Ntxawm lub tsev uas Ntxawm teev cov dab no xwb. Thaum NTxawm hu cov dab no, Ntxawm siv ib rab ncas los hu lawv. Muaj dab tsi cov dab no mam los qhia rau Ntxawm. Tom qab ntawd Ntxawm mam li los qhia rau tus neeg ntawd. Yog li no lawv thiaj hu ua Ntxawm ntaus ncas. Qhov lawv hu nws ua Ntxawm NTxuaj Teg mas kuj yog thiab, vim thaum nws ntaus nws rab ncas, ces kuj zoo li nws ntxuaj ntxuaj nws txhais tes.

Ua ntej thaum Ntxawm yuav tuag, muaj ib xyoo cov dab no cia li los hu Ntxawm mus ciaj ciaj lawm. Ntxawm cia li ploj lawm xwb. Nrhiav qhov twg los kuj tsis pom Ntxawm li lawm. Cov niam cov txiv thiaj li ua neeb thiab fiv yeem kom Ntxawm rov qab los. Ces cov dab no thiaj li rov coj Ntxawm los. Thaum Ntxawm los, lawv cov niam cov txiv thiaj nug hais tias yog ua cas? Ntxawm ho ploj lawm? Ntxawm thiaj qhia tias yog Tswv Xya lawv los coj Ntxawm mus lawm. Ntxawm mus nyob tau 4-5 hnub rau tom hav zoo mas Ntxawm tshaib tshaib plab, vim Ntxawm nrog tsis tau lawv noj nqaij nyoos, nqaij lwj, noj raubris, noj nplooj hmab nplooj ntoo, thiab noj av, ces cov poj ntxoog thiaj sij los muab Hmoob tej mov su thiab los muab tej mov hauv tsu lossis laujkaub, nqa mus rau Ntxawm noj. Lub sij hawm uas Ntxawm nyob tom hav zoov ntawd, Ntxawm mus nrog nws 2 tug txiv Ntxawm xws li Paj Yias thiab Paj Raus nkawv nyob ua ke. Cov dab tsov no mas lawv coob coob nyob puv roob puv hav li. Thaum Ntxawm rov los zaum no, Ntxawm los nyob tau li ib tog xyoo xwb, ces cov dab no rov los tos Ntxawm dua. Ntxawm cia li pheej si thiab tsis noj mov zuj zus xwb. Muaj ib hnub ces Ntxawm cia li ua ib tug npaws ces Ntxawm txawm mob tau li 1-2 nyuag hnub xwb ces, Ntxawm cia li tuag lawm. Thaum Ntxawm tuag tas, Ntxawm niam Ntxawm txiv quaj quaj Ntxawm, Ntxawm kuj tseem ua tau dab rov los hais rau Ntxawm niam thiab txiv kom tsis txhob quaj quaj, yog Tswv Xya lawv los tos Ntxawm lawm xwb. Txij thaum Ntxawm NTxuaj Ntaus Ncas tuag tas, ces tsis muaj psychic Hmoob lawm. Tsis muaj neeg txuas tau dab thiab neej lus lawm. Txuas ntxiv ntawd, thaum hnov hais tias Tooj Pov Lauj uas yog Tswv Xya tus kwv ntawd rov muab Tswv Xya tua tuag lawm, ces cov dab no thiaj li ntsiag txiaj ntsiag moo tos los txog ntua rau thaum teb chaws tawg es peb khiav tuaj lawm xwb. Dua li yav nram ntej mas, yeej tsis muaj leej twg tuav tau lawv npe tham txog lawv dab tsi. Leej twg tham dab tsi txog lawv ces ib chim xwb, cov dab tswv xyas no yeej los hem nws li lawm.

Txuas ntawm no mus, ho tham me ntsis qhia nej txog ntawm Tsov Paj Yias. Kuv tham li uas kuv nco tau kuv yawg piav xwb. Paj Yias Vaj mas yog kuv yawg ib tug cousin thiab. Thaum Paj Yias ua neej nyob, nws txawj zajtshoob, txiv xaiv. Nws ua kavxwm thiab ua mejkoob. Nws yog ib tug neeg uas pab neeg heev rau fab tshoob kos, tsis hais txhoob zawj, tshoob nkauj poj nraug qab, nraug pom nkauj lw, lossis tshoob qhaib. Hais txog fab kev mob nkeeg, nws txawj txiv xaiv thiab paub foomkom, uas teb chaws qhuas thiab cav nws. Cov kwv tij tham ua 2 lo lus rau kuv. LAwv tham hais tias Paj Yias tuag nyob rau lub zos Roob Tuam Phuv Lis. Ib txhia kwv tij hais tias tuag nyob lub zos Hav Ntoo Qaub no thiab. Ib txhia kwv tij ho hais tias muaj 2 tug Paj Yias, ib tug yog Paj Yias tub, hos ib tug yog Paj Yias txiv. Tus Paj Yias tub thiaj li mus ua tsov no, tab sis kuv yawg yeej tham meej meej, thiab kuv nco tau mas tus Paj Yias uas mus ua tsov nrog Tswv Xya lawv ntawd yog kuv yawg phaj. Nws hu kuv yawg ua Tij laug.

Tham raws li nco tau uas kuv yawg piav txog Txov Paj Yias. Thaum Paj Yias mob mob es nws tuag lawm ces nws txawm mus ua ib tug tsov nyob rau ntawm Tswv Xya uas yog tus mus pab Tswv Xya. Dab no kuj muaj zoo politic thiab. Paj Yias yog tus pha cov tsov mus tom nyuj tom twm thiab mus nrhiav noj nrhiav haus. Thaum Ntxawm NTxuaj Teg hu Tsov Paj Yias los nrog kuv yawg tham, nkawv tham ib tag hmo dua. Kuv yawg los kuj yog neeg haus yeeb, hos Paj Yias thaum ua neej nyob los, kuj haus yeeb thiab. Kuv yawg pua chaw pw ntawm Ntxawm Ntxuaj Teg niam thiab txiv lawv lub hauv plag. Thaum neeg pw ntsiag zog lawm ces, Paj Yias txawm los li uas kuv tham los saum toj no. Kuv yawg txawm hnov d.ev. tom ntsuag qees tom ntug zos los. Ib pliag ntshis xwb ces Paj Yias txawm yog tus xub hu kuv yawg hais tias, "Tij laug! koj tuaj lawm los?" Kuv yawg txawm teb tias, "Aws!, kuv tuaj lawm." Nkawv txawm pib sib tham. Kuv yawg thiaj li nug me ntsis txog ntawm peb pog li kuv tham los saud. Ces Tsov Paj Yias thiaj li teb hais tias, "Peb pog tseem mus tsis tau puv ib xyoo, tseem hais tsis tau laib lus, thiaj tsis los." Dhau ntawd peb yawg txawm cev ko kublub rau nraum zoov tias, "Koj puas haus yeeb lawm nas?" Paj Yias hais tias kuv haus thiab mas. Ces kuv yawg saib mus rau nraum zoov, kuj tsis pom Paj Yias, tab sis Paj Yias kuj nqus yeeb li ib tug neeg ciaj lawm thiab. Dhau ntawd ces nkawv thiaj li tham txog Paj Yias lub neej uas mus ua tsov ne zoo li cas? Paj Yias thiaj li tham tias, lub neej mus ua tsov mas txom txom nyem. Dab muaj rule muaj cai. Lub ntuj tsis pub cov tsov no tom tsiaj ywjsiab. Lub ntuj pub lawv noj tus twg, lawv tsuas tau noj tus ntawd xwb. Lawv tom tau ib tug tsiaj, ces sawv daws los noj tus ntawd xwb. Tej nqaij tsiaj no tsis zoo li saum neej no es yuav khaws tau cia. No tsis tas, ces tsw lwj lawm los, yeej kawg yauv rov los noj xwb, vim tsis muaj dab tsi noj. Zoo li uas kuv nco tau mas, 7 hnub twg lub ntuj mam pub lawv noj ib tug tsiaj xwb. Yog li no, mus ua tsov mas tshaib tshaib plab. Thaum lawv tom tsis tau tsiaj los noj ces kawg yuav tau noj av lawm xwb. Tej thaum lawv tshaib plab dhau hwv lawm ces, lawv thiaj li los ua bau suav rau alwv tej neeg, los thov qaib, thov qe ntawm lawv tej neeg. Yog lawv los ua bau suav hais tias, lawv los thov koj ib lub qe, es koj kam rau lawv lawm ces, tej thaum ces, lawv los tom koj ib tug bua, lossis ib tug nyuj, ib tug nees. Yog koj hmoov zoo, es hauv nruab dabntub, koj yeej tsis kam, ces cov tsov no thiaj li tsis tom koj tej tsiaj xwb.

Lub caij no, nyob rau sab Xas Niam no mas, tsov coob coob li. Koj mus ua teb, es koj tsuj koj tej neev taw rau ntawm tej kev uas nqos thiab noo, ib chim koj mus ua teb los, tsov twb los tsuj koj tej neev tawm lawm thiab. Mus txoj kev twg los, yog mus 1-2 leeg ces tssi tau luag li. Cov neeg ib txhia nyob sab Xas Niam no kuj raug tsov tom noj lawm ib txhia.

Hnov neeg tham tias Tsov Paj Yias tuag no yog nws mus tom lawv ib tug heev nyuj. Tsov Paj Yias muab noj tas ib ceg, ces lawv mam li mus nrhiav tau lawv tus nyuj. Lawv thiaj li caw phom rau thiaj li mag tsov Paj Yias tuag lawm. Qhov uas paub li no, yog cov dab tsov no los ua bau suav qhia sawv daws, es thiaj li assume li ntawd xwb, vim tias thaum NTxawm NTxuaj teg tuag tas alwm ces, neej thiab dab sib txuas lus tsis tau lawm. Tsov Paj Yias hais rau kuv yawg ib los hais tias, nws laj laj ua tsov li lawm, vim tias lawv txom txom nyem. Yog yauv mus thawj dua thiab ces yauv tau mus plhis zaj plhis zuag es thiaj li mus thawj thiab tau. Qhov meaning uas mus plhis zam plhis zuag no tej zaum yog qhov uas cia neeg tua kom tau lawv tuag es thiaj li tau mus thawj dua thiab xwb.[/font][/color]
[/left]
Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Mon May 09, 2011 4:36 pm

Leej nus Siabzoohlub,

Wow! koj zaj dag neeg no kuv twb hnov lawv hais hauv xov tooj cua lawm
Tab sis kuv laj sau heev vim ntau dhau lawm na
Ua tsaug koj twb sau tau es nqa tuaj tso nov rau peb tau nyeem thiab teev cia tseg rau lub neej pem suab os
kuv twb nyeem txog ntawm cov (xxxxxxxx) lawm cia kuv nyeem tag kuv mam pab kho rau os.

Ua tsaug os leej nus tus siab zoo. Yog muaj dab neeg ntxiv no nqa tuaj tso ntxiv vim kuv nyiam mloog dag neeg heev na. Kuv twb hnov lawm los kuv tseem xav rov mloog dua thiab ho...hahahaa. Yog koj nyob ze kuv twb xav kom koj hais kiag rau kuv mloog xwb ho. Oh....yog koj muaj cov twb kaw tau lawm nav...koj kaw tso rau hauv youtube...ma...haahaha. Xyov koj puas kam ne...hahahahaa.

Puag thaum ub kuv tseem me me kuv yawg hais hais rau peb mloog thiab. Txij kuv yawg tau tag sim neej lawm ces peb cia li tuaj rau teb chaw Meliska no lawm ces cia li tsis hnov dag neeg laus li no. Kuv thiaj tsis nco qab kuv yawg cov dab neeg tag lawm na.

Back to top Go down
siabzoohlub



Posts: 118
Join date: 2011-03-29

PostSubject: Re: Nyeem Dab Neeg   Mon May 09, 2011 10:24 pm

Nyob zoo os leej muam DejNtshiab
Lov, nws xav mloog Dab neeg li leej nus thiab ntag, leej nus los thaum yau yeej xav mloog thiab tiag ,
Zaj dab neeg kev hlub no zoo thiab ho ntshai thiab nas leej nus muab khaws cia ntawm no os leej muam zoo hlub e muaj caij nws mam twm os



Dab Neeg Kev Hlub


Thaum ub nyob rau sab moos theeb moos laim tus hluas nraug lub zos nyob deb ntawm tus hluas nkauj lub zos mus li ib tav su kev thiaj txog, tus hluas nraug mus tham tus hluas nkauj yeej swm lawm tos noj tsiab peb caug tas xwb ces nkawv sib qaws ua neej .

Txog lub caij dob nplej tus hluas nraug nrog niam thiab txiv dob nplej lub caij no los kuj los nag heev thiab tsis khoom ces tus hluas nraug tsis tau mus xyuas tus hluas nkauj lawm. Tus hluas nkauj tau mob tsuag tsuag tau 2-3 hnub ces tus hluas nkauj tuag lawm lawv muab pam tas ces lawv muab faus ntawm ntug zos. Lawv tsiv mus nyob rau lwm lub zos lawm.Tus hluas nraug nrog niam txiv dob nplej tas, tus hluas nraug mam li mus tham tus hluas nkauj , mus txog ntawm tus hluas nkauj lub zos tsaus ntuj kiag lawm , ua cas tsis hnov d.ev tom, tsis hnov neeg ua suab sab ,tsis pom neeg rauv taws li thiab tus hluas nraug seev hauv lub siab tias:

Ab! Cas tsis hnov ua suab sab li tsam tus hluas nkauj lawv khiav mus nyob lwm qhov lawm mas yuav ua li cas ne twb nco nco hluas nkauj es tsam tsis pom hluas nkauj nas. Ab… khiav khiav mus xyuas hluas nkauj lub tsev tso, mus txog kiag ntawm hluas nkauj lub txaj sab nrauv li txhia zaum xij mus tham hluas nkauj, khoov ntxhi hu hluas nkauj kiag hluas nkauj teb kiag tias koj twb tuaj lawm lov? Koj mus ntev ntev es kuv nco nco koj nas, kuv niam thiab kuv txiv lawv mus pw ua teb tas lawm es koj los tsev wb mam li tham os. Tus hluas nraug zoo siab hlo ncaj qha mus ntawm qhov rooj tos tus hluas nkauj tuaj qhib qhov rooj, tus hluas nkauj qhib hlo qhov rooj tus hluas nraug zoo siab heev , lub caij ntawv xuas dub xwb tsis muaj teeb xais thiab teeb ntais, tus hluas nraug cev loo tes mus kov tus hluas nkauj kiag cas ib ce nplaum nplaum tus hluas nraug poob siab ntav ib ce tshee tas li yuav ua npaws. Tus hluas nraug hais rau tus hluas nkauj tias, Ab! Tsaus tsaus ntuj li wb tsis zoo tham ces cia wb mus rau taws kom pom kev tso wb thiaj li zoo tham wb tej kev sib nco. Tus hluas nkauj tias, wb tsis rauv taws os wb tham li no xwb. Koj los tsev es wb pw wb mam li tham kev sib nco xwb, nas ces tus hluas nraug haj yam ntshai ib ce tshee hna xwb. Ces tus hluas nkauj hais tias, cas koj yuav tshee ua luaj mas lov? Tus hluas nraug teb tias, ab! Kuv tuaj deb deb tuaj es kuv tiv nag tuaj xwb no no kuv ua ua npaws xwb. Koj mus rauv taws wb nte kom sov wb mam li tham mas yuam. Ces tus hluas nkauj tias yog no no koj no wb mam li mus rauv taws, tab sis koj txhob khiav kuv laiv. Tus hluas nraug haj yam poob siab thiab haj yam tshee.


Tus hluas nkauj tias, qhov cub nyob ntawm no, koj rauv yuam. Ces tus hluas nraug rauv taws tshuab tshuab cig me me tus hluas nraug ntsia tus hluas nkauj ib plia cas ntawm ob sab kaum ncauj ntws ob kab ntshav tus hluas nraug haj yam tshee thiab tshuab tshuab taws cig plaws tus hluas nkauj tib tsuag kua lwj taws rov qab tuag kiag lawm. Tus hluas nraug tias koj txhob tsuag dej mas twb no no kuv es cia kuv tshuab kom taws cig es wb thiaj li tau nte mas yuam. Tus hluas nkauj tias ua li os, tus hluas nraug tshuab tshuab taws cig plaws na has cas ib tug ntsej muag lwj lwj lawm hos hais lus los tsis meej lawm.

Tus hluas nraug ntshai heev thiaj hais rau tus hluas nkauj tias: Ab! Kuv dim dim zis li es koj nyob kuv mus tso zis tso yuam. Tus hluas nkauj tias koj dag xwb koj yuav khiav. Tus hlaus nraug tias kuv tsis khiav nas, koj tsis ntseeg no wb sib txuas tw siv. Cov thaum ub mas poj niam txiv neej los yeej sia siv, ces tus hluas nkauj tias ua li los mas yog koj dim zis tiag. Ces tus hluas nraug thiaj hle hlo nws ib txoj siv ib tog los rau tus hluas nkauj tuav cia hos ib tog ces muab khi tus hluas nraug duav. Tus hluas nraug hais rau tus hluas nkauj tias, koj nyob twj ywm qhov no koj txhob los tom kuv. Kuv txaj txaj muag li kuv tso zis tas kuv mam li los nawj. Ces tus hluas nkauj hais tias, ua li los mas. Ces tab tom tus hluas nraug ntim ib raj dej haus taug kev nws thiaj li muab nws raj dej ntawv tho qab kom lub qhov dej tawm me me nrov nploov nploov li tso zis. Ces tus hluas nraug muab txoj siv mus khi ntawm lub pob ntoos, muab lub raj tso ntawv thiab ces tus hluas nraug khiav khiav los tsev lawm. Tus hluas nkauj rub txoj siv cas tawv tawv ho tsis hnov nploov nploov lawm. Tus hluas nkauj mam li hu hu cas tsis hnov tus hluas nraug teb lawm. Tus hluas nkauj mam li mus xyuas na has tus hluas nraug muab txoj siv khi rau lub pob ntoos xwb. Ces tus hluas nkauj chim chim yws tias, tsov tom no siab phem hwv cia kuv mus caum tau no muab ns tom noj kiag seb. Ces tus hluas nkauj mam li mus caum tus hluas nraug laub. Tus hluas nkauj txog ib lub hav, tus hluas nraug txog ib lub roob, tus hluas nraug txog ib lub hav, tus hluas nkauj txog ib lub roob. Ces hluas nraug khiav tsis taus li lawm ces hmoov kuj zoo thiab, tab tom pom kiag ib tug plis ntawm kev ces tus hluas nraug thiaj nthos nkaus tus plis los muab tus hluas nraug lub tsho looj kiag tus plis ces tus plis nce hlo saum ntoo lawm. Tus hluas nraug khiav khiav ua ntej los lawm. Tus hluas nkauj los txog pom tus plis hnav tus hluas nraug lub tsho thiaj hais tias: Ab! Koj nim khiav khiav kuv cas koj ho nyob saum ntoo ko xwb. Nqes los laiv koj tsis nqes los ces kuv nce tuaj ntag hos, ces tus plis tsis teb li tus hluas nkauj mob siab heev thiaj nce hlo mus ntes kiag tau tus plis saum ntoo, cas yog yog tus plis xwb tsis yog tus hluas nraug. tus hluas nkauj haj yam mob siab thiaj lauj ces tus hluas nkauj rov caum tus hluas nraug ceev ceev caum yuav luag yuav luag tau. Tus hluas nraug khiav khiav los txog ntawm tus hluas nraug tsev los nkag plho hauv tsev kiag muab qhov rooj kaw kiag xwb ces D.ev mas tom nqaj lug ho Qaib mas saub zom zaws hos npua mas ras thiab tshuab cuag tsi.
Tus hluas nraug los pw kiag ntawm nws niam thiab nws txiv kis nrub nrab

Tag kis pom kev nws txiv thiaj mus thov tau ib tug txiv Neeb txwj Neeb laus tuaj ua ib thaj neeb muab D.ev los quas dab hluas nkauj thiab kho ntau yam ho ua khawv koob ntis pov fwm thiab. Tus txiv Neeb ua neeb tas kom tus hluas nraug caiv 3 xyoos tsis pub tawm nraum zoov li. Ces txog hnub puv 3 xyoos kiag, hnub qaij nroos , nyob pem lawv qaum tsev muaj ib tsob txiv kub ntas ces nws nqhis nqhis txiv kub ntas nws thiaj xav hauv siab tias, Ab! twb puv 3 xyoos rau hnub no lawm, tej zaum tus hluas nkauj ntawv yuav khiav lawm vim yeej tsis hnov dab tsi lawm. Cia kuv sim mus de txiv kub ntas los noj seb, ces nws thiaj tawm nraum zoov mus de txiv kub ntas. Nws mus txog ntawm tsob hauv paus tsob ntoo txiv kub ntas, nws tseem yuav nce mus de txiv na has cas luag nyav ntawm nws pob tw los hais rau nws tias: Haj yaj! Kuv nim tos tos koj tau 3 xyoos no, tag kis ces kuv tu tu siab kuv twb yuav mus lawm. Xav tias koj mus qhov twg lawm no cas koj ho nyob ntawm no, ces tus hluas nkauj npau taws heev thiaj tib plhaw mus puag kiag tus hluas nraug ces thiaj tib kaug tus hluas nraug tuag kiag lawm thiaj coj tus hluas nraug mus ua neej rau dab teb lawm .

Zaj dab neeg no qhia tias:
1.Saum neej tsis tau sib yuav los mam li mus sib yuav hauv dab teb.
2.Tsis mloog lus cam thawj tsis caiv kom puv caij nyoog.


DejNtshiab wrote:
Leej nus Siabzoohlub,

Wow! koj zaj dag neeg no kuv twb hnov lawv hais hauv xov tooj cua lawm
Tab sis kuv laj sau heev vim ntau dhau lawm na
Ua tsaug koj twb sau tau es nqa tuaj tso nov rau peb tau nyeem thiab teev cia tseg rau lub neej pem suab os
kuv twb nyeem txog ntawm cov (xxxxxxxx) lawm cia kuv nyeem tag kuv mam pab kho rau os.

Ua tsaug os leej nus tus siab zoo. Yog muaj dab neeg ntxiv no nqa tuaj tso ntxiv vim kuv nyiam mloog dag neeg heev na. Kuv twb hnov lawm los kuv tseem xav rov mloog dua thiab ho...hahahaa. Yog koj nyob ze kuv twb xav kom koj hais kiag rau kuv mloog xwb ho. Oh....yog koj muaj cov twb kaw tau lawm nav...koj kaw tso rau hauv youtube...ma...haahaha. Xyov koj puas kam ne...hahahahaa.

Puag thaum ub kuv tseem me me kuv yawg hais hais rau peb mloog thiab. Txij kuv yawg tau tag sim neej lawm ces peb cia li tuaj rau teb chaw Meliska no lawm ces cia li tsis hnov dag neeg laus li no. Kuv thiaj tsis nco qab kuv yawg cov dab neeg tag lawm na.

Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Tue May 10, 2011 11:11 pm

Nyob zoo leej nus Siabzoohlub,

Nws zaj Dab Neeg Kev Hlub ma txaus ntshai thiab zoo nyeem kawg li. Leej muam ma nyiam cov txaus ntxaus ntshai no ntag...haahahaha
Ua tsaug nws nqa tuaj tso nov rau leej muam thiab phoojywg txhua tus tau nyeem nawb. Leej muam tseem nyeem tsis tau tas zaj Tswv Xyas...
Cia leej muam nyeem tag mam kho rau os......


siabzoohlub wrote:
Nyob zoo os leej muam DejNtshiab
Lov, nws xav mloog Dab neeg li leej nus thiab ntag, leej nus los thaum yau yeej xav mloog thiab tiag ,
Zaj dab neeg kev hlub no zoo thiab ho ntshai thiab nas leej nus muab khaws cia ntawm no os leej muam zoo hlub e muaj caij nws mam twm os



Back to top Go down
NthwvCua



Posts: 423
Join date: 2011-02-24

PostSubject: Re: Nyeem Dab Neeg   Tue May 17, 2011 3:53 pm




Zaj dab neeg no muaj lub npe hu tias "Lauj Pheej thiab Yaj Tsom"

Nkawv yog ob tug phoojywg zoo zoo.....nyeem mus seb nkawv txoj kev phoojywg ho mus zoo li cas.
Tus neeg hais zaj dab neeg no yog Nkauj Looj Thoj nyob MN





Puag thaum ub ovvvv.......muaj ob tug tub mus kawm ntawv ua ke.... ib tug hu Lauj Pheej ho ib tug hu li Yaj Tsom. Nkawv mus kawm ntawv nyob rau nram nroog.....nkawv sib hlub heev....koom noj kom pw ua ib ke...sib pab.....kawm kawm ntawv ovvvv..... Nkawv ob leeg keej ntawv ib yam nkaus.... Muaj ib hnub muaj ib pab phoojywg tuaj yaum Yaj Tsom mus yos hluas nkauj lawm. Ces Yaj Tsom txawm cia li niaj hmo mus yos hluas nkauj lawm ovvvvv.... Yaj Tsom mus yos yos hluab nkauj ces Ya Tsom txawm los hais rau Lauj Pheej tias.... Lauj Pheej, peb mus tham hluas nkauj ua si ma. Lauj Pheej teb tias..... Yaj Tsom, wb niam wb txiv tso wb tuaj kawm ntawv ma wb yuav tau mob siab kawm ntawv. Yaj Tsom tias, Lauj Pheej a!..... koj ma r uam kawg.... ua ib zaug neeg xwb es tseem tsis mus yos thiab..... mus ma.... koj tsis mus ces kuv mus kuv. Cesss....Yaj Tsom phej mus yos lawm tas li lauuuuu.......Yaj Tsom cia li tsis mob siab kawm ntawv lawm ovvvvv........Ces Lauj Pheej rau rau siab kawm ntawv .....nkawv kawm kawm ntawv tag ovvvvv.......ces txog caij xeem ntawv laub....lawv xeem ntawv tag ...ces Yaj Tsom poob lawm laubbbbbb......Lauj Pheej xeem tau lawm...ces Lauj Pheej txawm tau los ua ib tug cob moos. Lawv muab Lauj Pheej coj mus ua ib tug nom cob moos rau ib lub zos lawm. Tshuav Yaj Tsom nyob lawm xwb. Yaj Tsom nyob nyob.....ces Yaj Tsom txawm tias....Abbbb....Lauj Pheej wb twb yog phoojywg zoo zoo....wb kawm ntawv los kawm ua ke....nyob nyob ua ke, pw ua ke.....zaum no Lauj Pheej tau ua nom lwm, cia kuv mus saib Lauj Pheej seb. Ces Yaj Tsom txawj tuaj txog ntawm Lauj Pheej tsev na...cas muaj tas npuaj zov rooj vag hu tib si tsis pub Yaj Tsom nkag mus. Yaj Tsom hais tias, kuv yog Lau Pheej ib tug phoojywg. Kuv tuaj saib Lauj Pheej, los lawv tsis pub Yaj Tsom nkaj mus li thiab laub.....Yaj Tsom thiaj hais rau cov tas npluaj tias.....thov nej mus hais rau Lauj Pheej, kuv yog Lauj Pheej tus phooj ywg zoo thaum ub hu li Yaj Tsom.....wb kawm ntawv ua ke...pw ua ke...noj ua ke...ma zaum no kuv xav tuaj xyuas nws.....Thaum lawv los hais li tau Lauj Pheej ces....Lauj Pheej xav txog thaum ub Yaj Tsom tsis rau siab kawm nawv tseem cem Lauj Pheej r uam ces Lauj Pheej thiaj hais rau lawv tias kom lawv mus hais rau Yaj Tsom tias....

kuv tsis paub ib tug phoojywg muaj lub npe hu li Yaj Tsom no. Kom nws cia li rov qab mus tsam ho muaj teeb meem ua li cas rau nws ces kuv tsis lav paub nawb.

Ces cov tas npluaj rov los hais rau nws tias...wv tias....Oh!....Lauj Pheej hais tias nws tsis tau muaj ib tug phoojywg noj ib tsus mov ib yiag zaub no...nws kom koj rov qab mus......Oh!!....Yaj Tsom hnov li tag....Yaj TSom chim chim tias cas yus kawm tsis tau ntawv es tsam no luag yuav ua li rau yus laubbbbb......luag yuav saib tsis tau yus li laub....ces Yaj Tsom ma chim tas zog los mus tsev li lawm xwb laub......

Lauj Pheej muaj ob tug pojniam zoo nkauj kawg li. Lauj Pheej txawj hais rau Lauj Pheej ob tug pojniam tias....neb ob tug pojniam ko leej twg thiaj ua tau raws li kuv lub siab. Lauj Pheej tus niam yau txawm teb tias kuv ua tau raws li koj lub siab. Aw! niam yau, yog koj ua tau raws li kuv lub siab ma.....hais no nawb....Kuv hlub kuv tus phoojywg Yaj Tsom heev, tsam no nws rov qab mus kawm ntawv lawm. Koj mus ua zaub ua mob rau nws noj kom nws kawm kom tau ntawv los ua nom ib yam kuv. Niam yau teb tias...ua li.



Ces Lauj Pheej tso kiag Lauj Pheej tus niam yau hnav khaub ncaws zoo zoooooo mus rau tom Yaj Tsom lub tsev mus ua zaub ua mov qab qab..... thiab cheb vaj chev tsev.... tus txaj tus chaw du du tos Yaj Tsom. Yaj Tsom los txog tsev cas pom ib tug hluas nkauj zoo zooooo nkauj twb ua zaub ua mob thiab tu vaj tsev du lug tos Yaj Tsom lawm xwb....tus hluas nkauj thiaj hais rau Yaj Tsom tias...tus nus hnub no kuv tuaj tus koj lub tsev thiab ua zaub ua mob tos koj los noj os...ces Yaj Tsom txawm tias lov...ua li os...cas Yaj Tsom tseem noj noj mov tsis nca qab seb na.....tus hluas nkauj ntawv cia li pawv lawm.....Yaj Tsom xav xav....npabbbb........cas tus hluas nkauj ntawv zoo nkauj tag npaum li ntawv ....nws khiav dua twg lawm nevvvvvvv.....hmo ntawv nws xav ib hmo li ntawv....tag kis nws rov mus kawm ntawv los rov ua li ntawv dua thiab......Yaj Tsom noj noj mov ces Yaj Tsom txawm nug tias, tus muam nag hmo kuv tsis nco qab seb....kuv tseem noj noj mov kuv tig los na koj txawm cia li khiav dua twg lawm.....koj tsev nyob qhov twg? Tus hluas nkauj teb tias, kuv nyob ze ze ntawv xwb.....yog koj xav paub kuv nyob qhob twg ma.....cia kuv ua zaub ua mov thiab tu koj lub vaj lub tsev li no rau koj....es koj rau rau siab kawm ntawv.....koj kawm ntawv tas thiab koj xeem tau ntawv hnub twg ces hnub ntawv kuv mam qhia kuv lub tsev kuv qho chaw nyob rau koj.....ho tag sim no kuv tsis qhia koj li nawb......yog koj xeem tau ntawv ma kuv thiaj qhia...yog koj xeem tsis tau ntawv ma kuv tsis qhia.....Yaj Tsom tias lov.....ua li ma....

Yaj Tsom xav xav....abbbbbbbb.....tam tseeb tus hluas nkauj ntawv zoo nkauj tag npaum li ntawv.... nws twb niaj hnub tuaj ua mov rau kuv noj.....kuv mam rau rau siab kawm ntawv kom kuv xeem tau ntawv ma hnub ntawv nws thiaj kam yuav kuv.....thiaj nws thiaj qhia kuv nws nyob qhov twg no....yog li kuv yuav tau rau rau siab kawm tiag kom tau......xyoo ntawv ces Yaj Tsom rau rau siab kawm ntawv ovvvvv........kawm kawm ces.....hnub ntawv tus hluas nkauj mloog kiag tias hnub ntawv Yaj Tsom xeem tau kiag lawm tiag laubbbbb........tau kiag los ua ib tug cob moos lawm laub...ces tus hluas nkauj khiav kiag lawm
laubbbbbb........ Yaj Tsom zoo zoo siab tias hnub no Yaj Tso xeem tau ntawv lawm ma yog Yaj Tsom mus txog ma tus hluas nkauj yuav qhia nws chaw nyob rau Yaj Tsom ......ces Yaj Tsom maj maj los tsev los ntsib nws.......ua cas thaum Yaj Tsom rov los txog tsev cas......abbbbb..........yauuuu........cas tsev ntxov txoog.....zaub mov tsis ua li....cub tawg tuag nti.....Yaj Tsom chim siab heev...Yaj Tsom tias cas tus hluas nkauj no yuav dag tag npaum li......nws twb lav tias kom kuv rau rau siab kawm kom tau ntawv es nws yuav qhia kuv nws vaj nws tsev rau kuv.....cas hnub no kuv kawm tau ntawv nws ho kiag dua qhov tawg lawm......cas yuav chim siab tas npaum li.......

Yaj Tsom pw ib hmo, tagkis Yaj Tsom txawm tias, zaum no kuv xeem tau ntawv lawm.....thauv yus xeem tsis tau ntawv yus mus xyuas Lauj Pheej....Lauj Pheej tsis kam lees yus....zaum no kuv xeem tau ntawv lawm sim cia kuv rov mus xyuas nws seb.......ces Yaj Tsom rov mus txog tom Lauj Pheej tsev....Yaj Tsom hais kiag rau cov tas npuas zov rooj vag tias....kuv yog Lauj Pheej ib tug phoojywg hu Yaj Tsom thaum ub...wb noj ua ke pw ua ke.......Kuv xav tuaj xyuas nws.....ces cov tas npluas mus hais rau Lauj Pheej ...cov tas npluas los hais li ntawv rau Lauj Pheej....Lauj Pheej nyob hauv tsev Lauj Pheej hav lub ris luv xwb........ Lauj Pheej zoo siab heev.....thiab rawm pom Yaj Tsom......nws nthos nkaus ris hnav ib sab ceg tseem hnav tsis tau....twb dhia tawm qhov rooj tuaj txog raum zoov......Yaj Tsom luag luag....Yaj Tsom thiaj tias nevvvvv.......thaum yus kawm tsis tau ntawv ma yus tuaj hais nws ma nws nim tsis lees yus kiag....zaum no yus xeem tau ntawv lawm.....nws ho lees yus thiab.....

Lauj Pheej thiaj tias .....tuaj lov Yaj Tsom?...los tsev... .. Lauj Pheej thiaj coj Yaj Tsom los rau hauv tsev.......Cas Yaj Tsom pom tus hluas nkauj ua niaj hnub tuaj ua mov rau Yaj Tsom noj ho nqa dej los rau Yaj Tsom thiab Lauj Pheej nkawv haus.....Yaj Tsom yuav luag dhia mus khawm tus hluas nkauj....tab sis Yaj Tsom xav xav abbbbb.....Lauj Pheej twb yog ib tug nom lawm cia nug Lauj Pheej tso. Yaj Tsom thiaj nug tias...Lauj Pheej tus ntxhais ntawv yog leej twg ntxhais los yog koj tus muam?. Lauj Pheej teb tias... tus ntawv, Oh!. yog kuv tus pojniam yau os........ces Yaj Tsom xav tias ohhhhhhh......tus ntawv yog Lauj Pheej tus pojniam es Lauj Pheej tseem tso tuaj ua mov rau kuv noj.....kom kuv kawm tau taub tau ntawv....Lauj Pheej cas siab zoo ua luaj.....ces Yaj Tsom sawv tsees los pes Lauj Pheej....Yaj tsom tias Tijlaug Lauj Pheej lauuuu!!!!....koj ma siab zoo tshaj li lau. Yog tsis muaj koj ma ntse kuv xeem tsis tau ntawv li lau......yog muaj koj, kuv thiaj xeem tau ntawv. Lauj Pheej mam los teb tias.....qhov thaum i koj tuaj xyuas kuv.....kuv tsis lees paub koj....vim thaum ub wb mus kawm ntawv ua ke.....wb ob leeg keej ib yam .....koj mus mus tham hluas nkauj lawm ces koj cia li tsis mob siab kawm ntawv lawm.....koj thiaj li xeem tsis tau. Qhov koj tuaj ntawv, kuv tsis lees koj ntawv, yog kuv ua kom koj mob siab kom koj rov mus kawm ntawv....kom koj mus kawm kom tau ntawv es wb ob leej ua nom ua tswv huv si.....ces Yaj Tsom maaaa, pe peeeee Lauj Pheej. Lauj Tsom tias tsis muaj koj ua li rau kuv ma ntse kuv yuav xeem tsis tau laub.....yog vim muaj koj...koj siab zoo heev......kuv thiaj kawm tau los ua nom ua tswv li koj lwm thiabbbbbb......ob leeg tham luag ntxhi ...ces zaj dab neeg tag li no lawm xwb.......

Zaj dag neeg phoojywg sib hlub ma yuav tsum sib hlub li no......ib tug txhawb ib tug......kom ob leeg muaj vaj huam sib luag....thiab txoj kev kawm ntawv yuav tsum sib zog kawm tiag thiaj kawm tau…..vim txoj kev kawm ma nyuaj heev.
Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Fri May 27, 2011 3:49 pm


Khaum



Thaum ub nyob rau nyob rau ib lub nroog hauv Thaibteb, muaj ib tug nom. Tus nom no muaj pojniam zoonkauj, muaj vaj muaj tsev zoo. Nws kuj muaj tsheb zoo nrog luag caij. Nws muaj ib tug chauffer tsav tsheb thiab muaj ib tug ntxhais qhev tu vaj tu tsev. Nkawv 1 niam txiv kuj muaj 1 tug ntxhais muaj thaj tsam li 8 xyoo.

Vim tus nom no busy heev li ces nws tsis tshua khoom nrog nws pojniam thiab menyuam uake. Txhua tagkis sawv ntxov ces tus chauffer pheej thauj tus poj nom thiab tus ntxhais mus yuav khoom tom khw ces tus nom pw txaus nws mam sawv los tu nws tus kheej thiab mus ua haujlwm lawm. Tsaus ntuj lawv mam los noj hmo uake xwb.

Muaj ib tagkis ces tus ntxhais txawm sawv tau lig ces leej niam thiab tus chauffer nkawv mus tom khw lawm. Ua cas nws sawv los xauj na pom nws txiv tabtom muab tus ntxhais qhev ua. Leej txiv los xav tias ntshe tus ntxhais nrog leej niam mus tom khw lawm ces nws txawm tsis ceev faj thiab.


Hnub tomqab tus ntxhais ho nrog leejniam mus tom khw ces nws mam qhia txhua yam uas nws pom nws txiv thiab tus ntxhais qhev nkawv ua. Leej niam chim heev ces txawm hais rau tus ntxhais tias ib tsam lawv noj hmo mas tus ntxhais yuavtsum piav qhov uas nws pom nws txiv thiab tus ntxhais qhev nkawv ua rau sawvdaws nrog hnov. Tus ntxhais kuj agree.

Hnub ntawd, leejniam txawm npaj ib rooj mov loj tsawv thiab caw nws niam tais yawmtxiv thiab niampog txivyawg lawv tuaj koom. Thaum txog caij uas sawvdaws los zaum rooj tag ces leej niam txawm haistias nkawv tus ntxhais muaj 2-3 lolus yuav hais rau sawvdaws mloog. Tus ntxhais nkees los leej niam pheej yuav kom nws hais mas thiaj tau noj mov sai.

Tus ntxhais thiaj hais tias " hnubno kuv pom kuv txiv ua peb tus ntxhais qhev li uas kuv niaj tag kis pom peb tus chauffer muab kuv niam ua thaum peb mus tajlaj" sawvdaws hnov cov lus ntawd tag mas nkawv mas txaj muag kawg nkaus. Tus niam yog tus uas poob ntsejmuag tshaj plaws vim nws xav rhuav tus txiv tabsis nws twb tsis ceevfaj tias nws qhov mas tseem phem tshaj tus txiv qhov lawm thiab . Thaum kawg tus txiv muab nws ntaus thiab muab nws xuam kiag lawm.
Tas li no xwb.

By: Khej1


Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Fri May 27, 2011 4:18 pm

Nkauj Nab Ntsuab thiab Txiv Nraug Ntsuag


Zaj dag neeg no kuv twb nrhiav tau ntev ntev hauv internet no lawm. Tsis nco qab lub website. Yog leej twg tuaj pom yog nej zaj no zam txim nawg. Kuv nyiam thiaj copy coj los cia no tau nyeem xwb.


Puag thaum ub muaj ib tug tub ntsuag nws tsis muaj niam muaj txiv nws nrog niam tij thiaj tij laug nyob, niam tij thiab tij laug tsis hlub nws, nws txom txom nyem tsis muaj zaub muaj mov noj, nws niaj hnub mus cuab nas cuab noog puag tom hav zoo los noj xwb.

Muaj ib hnub tub ntsuag txawm mus cuab nas rau puag tom ib lub hav zoo, tub ntsuag txawm mus pom ib tug dav kwv tau ib nab ntsuab ya los hlav saum tub ntsuag tob hauv, tub ntsuag txawm qw nrov nrov kom tus dav tso tus nab, cev tus dav ceeb ces tus dav txawm muab tus nab ntsuab poob los lawm.

Tub ntsuag txawm rov tau kev mus ntxiv cas txawm muaj ib tug phij hu tom nws qab tuaj hu tias ntsuag..tos kuv os ntsuag tig ho rov mus ntsia cas muaj ib tug ntxhais zoo zoo nkauj lawv ntsuag qab ntsuag txawm tig hlo mus tuav nkaus nws ntsuag hu tias leej muam koj yov mus dab tsi, nws teb tias nws yov nrog ntsuag mus cuab nas.

ces ntsuag thiaj li coj nkauj nab ntsuab nrog nws mus cuab nas, nkawd mus cuab nas ib hnub tshaib tshaib plab tsis muaj zaub muaj mov noj. nkauj nab ntsuab thiaj li kom ntsuag mus rauv taws nkauj nab ntsuab thiaj li hle nws ntiv nplhaib los ua tsu cub mov ho hle nws txwm qhws ntsej los ua lauj kaub ua zaub nws thiaj li ua tau zaub mov los ntsuag nkawd noj.

ntsuag nkawd noj mov tag ces tsaus ntuj lawm, ntsuag nkawd thiaj li txiav tauj los ua tsev pheeb suab pw, ntsuag nkawd pw ntawd ib hmos kaj ntug, ntsuag tsim los ces vaj tse zoo zoo ci ntsa iab ntsuag ntshai ntsuag sawv tsees khiav, nkauj nab ntsuab thiaj li tsawv nkaus tes rub ntiag los, nkauj nab ntsuab thiaj hais rau ntsuag tias twb yog niam thiaj txiv tuaj ua rau nkawd nyob, ntsuag thiaj li tsis ntshai

Ces ntsuag nkawd thiaj li muaj vaj muaj tsev zoo zoo thiab nkawd muaj tub mab tub qhe coob nroo ntws, nkawd muaj nyiaj muaj kub ntau ntau thiab nkawd ua lub neej zoo zoo kawg, nkawd niam tij thiab tij laug thiaj tuaj xyuas ntsuag nkawd, ntsuag nkawd thiaj muab tau ib hnab nyiaj ib hnab kub pub rau ntsuag niam tij thiab tij laug nkawd coj mus siv, ntsuag niam tij thiab tij laug zoo zoo siab rau ntsuag nkawd


Ntsuag poj niam zoo zoo nkauj kawg li cov neeg zej zog lawv tuaj pom ntsuag poj niam zoo zoo nkauj ces ib leeg cav dhau ib leeg, ces nrov mus txog huab tais, ces huab tais txawm tuaj xyuas ntsuag poj niam, huab tais tuaj pom ntsuag poj niam zoo zoo nkauj kawg li tiag ces huab tais txawm nyiam nyiam ntsuag poj niam ces huab tais tuaj txeeb

muaj ib hnub huab tais txawm tuaj txeeb ntsuag poj niam yuav, ntsuag tsis kam huab tais txawm tso huab tais cov xav pav muab ntsuag ntau sab sab thiab muab ntsuag khi cab mus tua pom tseg, ces ntsuag poj niam thiaj li los thaiv nkaus tsis pub lawv cab ntsuag mus tua tab sis lawv tsis nyoo ntsuag poj niam lus lawv cia li muab ntsuag luag mus.

ua rau ntsuag poj niam chim heev ntsuag poj niam thiaj li rov mus ua nab los muab huab tais thiab huab tais cov xav pav tom tuag tas, ces ntsuag poj niam thiaj los ua neej tsis tau lawm, ntsuag poj niam thiaj li tau ncaim ntsuag mus ib nyuag ntu.

ntsuag poj niam rov los ua neej tsis tau lawm ces nws thiaj li hais rau ntsuag hais tias kuv rov los ua neej tsis tau lawm ces koj nyob kuv yov rov mus nrog niam thiab txiv lawv nyob, kuv ces twb xeeb tub lawm yog kuv mus yug tau tus ntxhais ces wb yov tsis sib pom lawm, yog kuv mus yug tau tub ces kuv mam rov nrhiav koj

nkauj nab ntsuab thiaj li mus yug tau ib tug tub, nws thiaj li muab nws tus tub tis npe ua tub ntaj txeeg no, tom qab no nws tus tub ntaj txeeg hlob tiav txiv, nkauj nab ntsuab thiaj li coj nws tus tub ntaj txeeg rov los nrhiav ntsuag.

nkauj nab ntsuab nkawd ob niam tub thiaj li rov los nrhiav tub ntaj txeeg txiv nyob rau hauv ntiaj teb, nkawd ob niam tub los hla ntoj roob hauv pes hav zoov nuj txeeg xiab, nkawd pom mi tso mi ntxhw khiav ua npoj ntws txhua txhia lub roob rau lub roob ha, nkawd xav hais tias tsis ntev lawm yuav nrhiav tau ntsuag

nkauj nab ntsuab thiab tub ntaj txeeg nkawd rov los nrhiav tau tub ntaj txeeg txiv lawm cov neeg zej zog zoo zoo siab lawv tuaj muab ntsuag nkawd ob niam txiv tsa ua huab tais thiab poj huab tais kav lub teb lub chaw ntawd, ntsuag thiab nkauj nab ntsuab nkawd thiaj tau los ua huab tais kav teb kav chaw, ces nkawd muaj tub mab tub qhe coob coob kawg li.







Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Sun Jul 10, 2011 9:27 pm


Qhia Li Cas Ua Li Ntawd

Thaum ub muaj 1 niamtxiv muaj 1 tug tub li 12 xyoos. Muaj ib hnub ces nkawv yuav mus ua teb ces leej niam txawm ntxhua tau ib co khaubncaws ziab rau nram qabtsibtaug. Niam thiab txiv yuav mus teb ces txawm hais rau tus tub tias, kom nws nyob mas nws pab saib cov khaubncaws uas ziab nram qabtsibtaug thiab ho pab SAIB tsev.

Niam thiab txiv txawm mus teb lawm ces, tus tub txawm nqa loo rooj mus nyob pem qaumtsev zaum saib lub tsev thiab cov khaub ncaws. Qhovrooj los nws tsis kaw ces qaib/npua nkag mus tsoquav puv tsev tas los nws tsis k li. Ib chim tavsu ces los nag hlob hlob ntub cov khaubncaws tag los nws tsis mus yaws li thiab lau. Ib tsam niam thiab txiv los txog tsev na ua cas qaib npua dhia zomzaws hauv tsev xwb. Leej niam los cem thiab yuav xuas nplawm rau nws. Tus me tub thiaj haistias, neb tsuas kom nws saib lub tsev xwb tsis tau txwv tsis pub qaib/npua mus hauv tsev.

Nkawv xav xav na kuj yog li tus menyuam hais lawm thiab. Leejniam nco dheev txog nws cov khaubncaws ces thiaj tawm plaws mus saib na cov khaubncaws tseem dai li qub thiab ntub tag. Leej niam chim ceev heev nthos nkaus qws mus yuav muab tus tub ntaus... Tus tub thiaj haistias neb tsis tau kom kuv yaws los cia yog tias los nag kuv yeej saib zoo zoo tsis muaj ib daim ploj li. Niam mas npautaws kawg nkaus xav muab ntaus los tus tub yeej tsis txhaum ces ciali chim chim cia xwb. Xaus li no lawm lau...

By: Khej1
Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Sun Jul 10, 2011 9:33 pm


Qhia Li Cas Ua Li Ntawd

Zaj no yog txuas zaj uas tus menyuam tub zov tsev.

Tsis ntev ces leej niam txawm yug tau ib tug tub thiab. Thaum tus menyuam mos ntawd zaum taus lawm ces nkawv txawm tso rau tus tub hlob zov. Leejniam txawm hais rau tus tub hlob tias, "koj zov zoo es yog nws tsoquav no ces koj so huv huv thiab txhob pub tsw. Yog nws tsaugzog no ces koj coj nws mus pw zoo zoo" tus menyuam txawm ncontsoov nws niam cov lus uas so quav huv huv.

Ib chim ces tus kwv txawm yuav noj mov ces nws txawm muab mov pub rau tus menyuam noj. Thaum noj tag cestxawm tsoquav lau... Nws txawm muab phuam los so lub qhoquav... Ua cas nws pheej so quav tsis txawj tag... Nws muab qhoquav ntxi los tseem pom qhuav... Nws hnia los tseem pheej tsw tas li. Nws ntxi menyuam qhoquav ces menyuam quaj thiab tuag lawm ces nws txawm muab nyhuv phais thiab tshem cov quav tag... Nws coj mus ntxuav tag kom txhob tsw quav lawm ces nws txawm muab tus menyuam los tso pw rau saum txaj zoo zoo...

Ib tsam niam thiab txiv los ces ua cas tsis pom menyuam uasi thiab tsis hnov quaj li lawm... Nkawv mus saib ces twb tuag lawm... Leej niam nthos nkaus qws yuav ntaus tusmenyuamhlob ces nws txawm thov thiab hais tias nws yeej ua rawsli leej niam xaaj... Tsis ntseeg los koj mus saib seb puas muaj quav thiab puas hnov tsw quav ntxiv lawm... Nkawv mam xav txog nkawv cov lus ces nkawv tsis pomqab ua li cas li lawm....

Thaum muab tus kwv faus tag ces leejtxiv thiaj li mam coj tus tub hlob ntawd mus nrog haujsam nyob tim vav... Qhov no ces xaus li no... Mam txuas lwm zaus ntxiv...

By: Khej1
Back to top Go down
ncodejntshiab



Posts: 647
Join date: 2011-02-27

PostSubject: Re: Nyeem Dab Neeg   Mon Jul 11, 2011 9:16 am

niam laus koj lub tsev sau dab neeg no mas zoo kawg nkaus li lawm os
Back to top Go down
DejNtshiab



Posts: 3132
Join date: 2011-02-16
Location: HmoobTeejTug

PostSubject: Re: Nyeem Dab Neeg   Mon Jul 11, 2011 3:51 pm

Nyob zoo os niamhluas Ncodejntshiab,

Cas txawj siv pauv npe los nco kuv lawm laub...hahhahahaa. Koj lub npe no kuj zoo kawg li thiab hov...... Ua tsaug koj tseem tuaj qhuas qhuas kuv thiab os. Lam muab cov dab neeg coj los tso nov tej tham muaj sijhawm thiajt tau nyeem laug hnub os. Txawm tias twb nyeem ib lwm tag lawm los nyob nyob rov nyeem dua zoo li zoo mloog kawg li rov tuaj thiab. Thiab twb yog mus kawm kawm Nujqaim thiab Davdub nkawv cov txuj ci ntev los lawm ces los xyaum kho duab ua si thiab xwb.

Vam tias koj yuav nyob tau kaj siab hnub os niamhluas. Nco koj os tus neeg kheev tham neeg zoo lus. Ib tsam khoom mam rov tuaj nrog koj tham dua nawb mog.
Back to top Go down
 

Nyeem Dab Neeg

View previous topic View next topic Back to top 
Page 1 of 2Go to page : 1, 2  Next

Permissions in this forum:You cannot reply to topics in this forum
Hmoob Teej Tug Forum :: Folk Tales - Dab Neeg Hmoob :: Stories - Nyeem Dab Neeg-